Dostyq üiınde Nūr-Sūltan qalasy äkımınıŋ orynbasary Baqtiiar Mäkennıŋ töraǧalyǧymen «Bolaşaqqa baǧdar: ruhani jaŋǧyrudyŋ üş jyldyq belesı» taqyrybynda döŋgelek üstel öttı.
Kezdesuge elordanyŋ ziialy qauym ökılderı, äleumettık, filologiia, filosofiia salasynyŋ ǧalymdary jäne qoǧam belsendılerı, mesenattar, BAQ ökılderı qatysty. Kün tärtıbınde «Ruhani jaǧyru» baǧdarlamasy boiynşa üş jyl ışındegı jūmys nätijelerı aityldy.
– Baǧdarlamalyq maqalany ıske asyru jobalar men ıs-şaralardyŋ ideologiialyq qūramdas bölıgın jaŋa deŋgeige şyǧaruǧa mümkındık berıp qana qoimai, sonymen bırge jobalardy basqarudyŋ eŋ jaqsy täjıribelerın qoldanu arqasynda olardy ıske asyrudyŋ prinsipialdy jaŋa jäne tiımdı täsılderımen jüzege asyrudy qamtamasyz ettı. Osy maqsatta baǧdarlamanyŋ 13 arnaiy jobasyn ıske asyrudyŋ jol kartasy men indikatorlary bekıtıldı, sonymen qatar biyl 4 jaŋa arnaiy joba qoldanysqa engızıldı. Baǧdarlamany tiımdı ıske asyru maqsatynda 2018 jyly Saraptamalyq keŋes bekıtılgen bolatyn. Keŋes «Ruhani jaŋǧyru» baǧdarlamasy aiasynda ıske asyruǧa ūsynylǧan jobalardy sapaly qarau üşın konsultativtık-keŋesşı organ märtebesıne ie boldy, – dedı B.Mäken.
2017 jyly elordada 73 joba jüzege asyrylsa, 2018 jyly 165 joba, ıs-şara ötkızıldı. 2019 jyly 275 ıs-şara jäne 69 jeke bastama jüzege asyryldy. Al biyl baǧdarlama aiasynda 185-ke juyq ıs-şaralar ötkızılıp, onlain kurstar men şeberlık synyptaryn qosa alǧanda respublikalyq deŋgeide 1 000 000-nan astam adam qamtyldy.
Döŋgelek üstel aiasynda bılım beru, densaulyq saqtau, äleumettık qorǧau salalaryndaǧy pandemiiamen küresude belsendılık tanytqan Nūr-Sūltan qalasynyŋ mesenattar men ükımettık emes ūiymdar, BAQ ökılderın «Halyq alǧysy» medalımen marapattau räsımı öttı.
