«Biznestıŋ jol kartasy 2025» baǧdarlamasy boiynşa Nūr-Sūltan qalasynda erekşe balalardy sensorlyq integrasiialauǧa arnalǧan jabdyqtar öndırısı bastalady.
Öndırıstı qolǧa alǧan Kishkentai käsıpornynyŋ qūryltaişylary biyl 5 million teŋge grant aldy. Būl qarajat balalarǧa öz denesın sezınuge, keŋıstıkte baǧdarlauǧa jäne üilestırudı jaqsartuǧa kömektesetın önımder türın keŋeituge jūmsalady.
«Önımderımız sensorlyq aqparatty qiyn qabyldaityn balalarǧa arnalǧan. Mysaly, köşede artta kölıktıŋ jürıp kele jatqanyn bıle alasyz. Bıraq mümkındıgı şekteulı balada mūndai sezım bolmauy mümkın, öitkenı ol aqparatty qalypty tärtıppen qabyldamaidy. Tiıstı jabdyqty qoldana otyryp sensorlyq integrasiia ädısı boiynşa jattyǧu barlyq sezım müşelerı arqyly tüsetın signaldardy retteuge kömektesedı.Iаǧni, basty mındet – balalarǧa barlyq signaldardyŋ dūrys tüsuın qamtamasyz etu, olardyŋ keŋıstıktı barlap, denesın sezınuıne, tepe-teŋdıktı saqtauǧa üirenuı. Salystyrmaly türde aitqanda, balalar özderınıŋ dene müşelerınıŋ qai jerde ekenın jäne osy nemese basqa ıs-äreketke qanşalyqty küş salu keregın bıle aluy kerek. Bala öz denesın sezbese, būl onyŋ aqyl-oiy men emosionaldy damuyna qatty äser etedı. Ol mazasyzdyq pen giperaktivtılıktı arttyrady» deidı Kishkentai kompaniiasynyŋ qūryltaişysy Aigül Mūstafina.
Sensorlyq gamaktar men şūlyqtar, sondai-aq salmaqty jiletter men körpeler balalardyŋ sensorlyq qabyldauyn jaqsartuǧa kömektesedı. Käsıporyn qazırdıŋ özınde būl önımdı şyǧaryp jatyr. Bıraq elde basqa önımderge degen qajettılık bar.
«Bız būl salada ekı jyldan berı jūmys ıstep kelemız. Ata-analar bızben bailanysa bastady jäne bızde joq balalar sensorlyq jüiesın damytuǧa arnalǧan basqa jabdyqtar sūrady. Bız naryqty zerttei bastadyq, eŋ jaqyn öndırıs Reseide, Ukrainada jäne t.s.s. Mūndai jabdyqtar respublikanyŋ eş jerınde öndırılmeitındıgın jäne sūranystyŋ joǧary ekendıgın eskere otyryp, bız öndırıs jelısın keŋeitu turaly şeşım qabyldadyq. Osylaişa «Biznestıŋ jol kartasy 2025» baǧdarlamasy boiynşa granttar konkursyna qatysuǧa ötınış berdık» dedı kompaniia qūryltaişysy.
Granttyŋ kömegımen käsıpker sensorlyq-dinamikalyq keşender öndırısın ūiymdastyrudy josparlap otyr, olar ärtürlı konfigurasiiadaǧy ätkenşekterden, «qūşaqtaityn» maşinalardan, sensorlyq trekterden, tepe-teŋdık taqtalarynan tūrady. Sonymen qatar, käsıporyn mūnymen şektelıp qalmaq emes jäne jeke tapsyrystardy oryndauǧa daiyn.
Kishkentai öz önımderın elımızdıŋ barlyq aimaqtaryna, tüzetu ortalyqtaryna da, erekşe balalardyŋ ata-analaryna da jetkızetın bolady.
Jalpy, Nūr-Sūltan qalasynda ötken «Biznestıŋ jol kartasy 2025» baiqauynyŋ qorytyndysy boiynşa 57 grant iegerı anyqtaldy.
