LİFT QAUIPSIZDIGI TALAPQA SAI MA?

Bügınde Astanada 5900-den asa lift bar.  Olarǧa mamandan­dy­rylǧan 63 lift şaruaşylyǧy ūiymy qyzmet körsetedı. Alaida, liftılerdıŋ bärı bırdei öndırıs qauıpsızdıgı talaptaryna sai keledı deu qiyn. Arnaiy belgılengen tehnikalyq nūsqaulyq bo­iynşa, jedel­satylardyŋ qyzmet körsetu merzımı 25 jyldan aspauy tiıs.

Soǧan qaramastan elordada pai­dalanuǧa merzımı tiıstı uaqytynan baiaǧyda asyp ketken liftıler bar­şylyq. Astana qalalyq Tūrǧyn üi inspeksiiasy basqarmasy Kötergış qūrylǧylardy baqylau bölımınıŋ basşysy Duman Jailybekovtıŋ aituynşa, bır kötergış qūraldy auystyruǧa köp qarajat ketedı. Onyŋ syrtynda, lift şaruaşylyǧymen ainalysatyn ūiymdardyŋ qūral-saimandary, materialdy-tehnikalyq bazasy, apattyq jaǧdaidaǧy jedel qauıpsızdık qyzmetı, qosalqy bölşekter qory ta­lapqa sai kele bermeidı. Osy mäse­lege basymdyq beretın tūrǧyndar da az, ökınışke qarai. Köbı tömen baǧaǧa qyzmet körsetu ūiymdaryn ızdeidı deidı basqarmadaǧylar.

– Tömen baǧamen qyzmet körsetu­şılerdıŋ bır mysaly retınde «Aziia LiftServis» JŞS-ın aita alamyn. Tūrǧyndar qyzmettıŋ arzandyǧyna qyzyqqan. Är lift üşın aiyna 600 teŋgege qyzmet jasaidy. Osylaişa, 2015 jyldyŋ mausymynan bastap atalmyş JŞS özınıŋ jauapkerşılıgıne Astanadaǧy tūrǧyn üilerdegı 100-den asa liftını alady. Keiınnen bızge lift jūmysyna bailanysty şaǧymdar tüse bastaidy. Tekserıs jürgızdık. Nätijesınde serıktestıktıŋ liftılerdı kütıp-baptaudaǧy jūmysy zaŋnamalyq talaptarǧa sai bolmai şyqty. Ne öndırıs bazasy, ne bılıktı mamandary da joq. Söitıp, osy jyldyŋ tamyz aiynda atalmyş ūiym qaraǧan 50 lift jaramsyz bolyp qaldy. Az jūmsaimyz degen tūrǧyndar endı qanşama ese köp şyǧyndalady. Se­bebı, lift qajet etetın jöndeu jūmystary tūrǧyndardyŋ maqsatty alymdary arqyly jürgızıledı, – deidı Duman Jailybekov.

Liftınıŋ qyzmet körsetu merzımı 25 jylǧa jobalanǧanyn joǧaryda aittyq. Bıraq jedelsatynyŋ profilaktikalyq jäne jöndeu jūmystaryna jıtı köŋıl bölınıp otyrsa, būl qondyrǧy şirek ǧasyrdan da artyq jürıp-tūruy mümkın eken. Sonda lift jaǧdaiyna aldymen kım köŋıl böluı kerek?

– «Tūrǧyn üi qatynastary turaly» Zaŋy boiynşa lift tūrǧyndardyŋ ūjymdyq menşıgı bolyp tabylady. Lift auystyrudy qajet etse, päter ielerıne qarajat jinap, jaŋasyn ornatuǧa tura keledı. Üidegı qabat sanyna, lift modelıne bailanysty būǧan orta eseppen 6 mln-nan 11 mln teŋgege deiın qarjy qajet, – deidı Astana qalasy Tūrǧyn üi inspeksiiasy basqarmasynyŋ bölım basşysy Duman Jailybekov. – Köptegen üidegı liftterdıŋ tozyǧy jetken. Köbıne montaj sapasyz jasalǧan, ne bolmasa tūrǧyndardyŋ özı ūqypsyz paidalanady. Lift tūrǧyndar menşıgı sanalatyndyqtan, qyzmet körsetuşı ūiymdy da päter ielerı taŋdaidy.

Lifttıŋ uaqytyly jöndeu jū­mys­tary men bılıktı mamandardyŋ tehnikalyq qyzmetın talap etetın kür­delı mehanizm ekenın eskeru kerek. Onyŋ zyryldap jūmys ısteuı üşın oǧan der kezınde dūrys kütım körsetu qajet.

Bügınde Astana qalasy Tūrǧyn üi inspeksiiasy basqarmasy qala­myzdaǧy liftılık ūiymdardyŋ zaŋ­namalyq talaptaryn baqylap, qyzmet körsetudıŋ reitingın jasap jatyr. Joǧaryda söz bolǧan lift mäselesıne qatysty kez kelgen sūraq boiynşa elorda tūrǧyndary Jük kötergış qūrylǧylardy baqylau bölımınıŋ 32-13-58 nömırıne habarlasa alady.

Mädina JAQYP