9-11 qyrküiekte «Quatty öŋır – quatty Qazaqstan» aksiiasy aiasynda Astanaǧa Almaty oblysynyŋ delegasiiasy keledı. Būl künderı oblystyq tauar öndıruşılerdıŋ auyl şaruaşylyq järmeŋkesı, kıtap pen sändık-qoldanbaly öner körmelerı, öŋır ärtısterınıŋ qatysuymen merekelık konsertter ötedı, spektaklder qoiylady.
Järmeŋkede elorda tūrǧyndaryna jalpy kölemı 340 tonna auyl şaruaşylyǧy önımderınıŋ 38-den astam türı ūsynylady. Onyŋ ışınde, et jäne et önımderı, balyq, kökönıs, jemıs-jidek, süt önımderı, jūmyrtqa, bakaleia önımderı jäne t.b.
Järmeŋke 10-11 qyrküiekte Oquşylar saraiynyŋ janyndaǧy alaŋda ötedı. Tauarlar qaladaǧy bölşek sauda baǧalarynan 15-20 paiyzǧa tömen satylady.
Būdan basqa, Almaty oblysynyŋ ökılderı elorda tūrǧyndary men qonaqtarynyŋ nazaryna mädeni baǧdarlamalaryn ūsynady.
9 qyrküiekte QR Ūlttyq kıtaphanasynda saǧat 10-nan 18-ge deiın Almaty oblysynyŋ aqyndary men jazuşylarynyŋ «Jerūiyq meken – Jetısu» atty kıtap körmesı, sondai-aq, sändık-qoldanbaly öner şeberlerı men muzei eksponattarynyŋ, «Altyn adam mekenı» körkemsuret galereiasy suretşılerınıŋ körmesı ötedı. Osy künı qala tūrǧyndary men qonaqtary saǧat 18:30 «Jastar» teatrynda «Kerei – Jänıbek» spektaklın tamaşalaidy.
10 qyrküiekte saǧat 16-dan 17-ge deiın Kongress-holl foiesınde «Taldyqorǧan – keşe, bügın, erteŋ» körmesı köpşılık nazaryna ūsynylady. Mūnda Taldyqorǧannyŋ damuynyŋ fototarihymen, qalanyŋ körıktı jerlerımen, Qazaqstan halqy Assambleiasynyŋ körmesımen, sondai-aq Almaty oblysynda şyǧarylatyn önımdermen tanysuǧa bolady. Saǧat 17:00 Kongress-holl sahnasynda Almaty oblysy şyǧarmaşylyq ūjymdarynyŋ «Jetısu – jūmaq mekenım» atty gala-konsertı ötedı.
astana.gov.kz
