Elordadaǧy lift şaruaşylyǧyna jauapty kompaniialar özderıne tiıstı mındettı oryndamaǧan jaǧdaida, äkımşılık şaradan bölek, olardyŋ üstınen qylmystyq ıs qozǧalatyn bolady. Būl turaly äkımdıktıŋ baspasöz ortalyǧynda ötken brifingte Qalalyq orta sapasy jäne baqylau basqarmasynyŋ basşysy Tölegen Qūlūşev mälım ettı.
– Bız qazır qaladaǧy lift jūmysyna jauapty barlyq kompaniialarmen jüielı türde jūmys jürgızıp jatyrmyz. Sonyŋ nätijesınde bügınde qala liftterınde tek anda-sanda toqtap qalu ǧana bolmasa, bırde-bır apatty jaǧdai joq. Qazır sol boiynşa taldau jürgızılude. Lift jūmysy jönınde būryn tūrǧyndardan şaǧym öte köp tüsetın. Bügınde ol 80 paiyzǧa azaidy. Mysaly, būǧan deiın aptasyna 40-50 şaǧym bolsa, qazır jetı künde bar bolǧany 2-3 şaǧym ǧana tüsedı, – degen Tölegen Qūlūşev kompaniialar mındetterın dūrys atqarmasa, olardyŋ jūmystaryn qalalyq Işkı ıster departamentı qaraitynyn atap öttı.
Al atalmyş basqarmanyŋ Esıl audandyq bölımınıŋ bas mamany Erlan Qiiabaevtyŋ mälımetınşe, bügınge deiın elordadaǧy 2050 lift tekserılıptı. Jyl soŋyna deiın 6900 lifttıŋ qalai jūmys ıstep tūrǧany anyqtalmaq. Biudjetten bölıngen qarajat esebınen biyl bes lift jöndeuden ötse, keler jyly 20 lifttı jöndeu josparda tūr eken. Bıraq oǧan tūrǧyndardyŋ kelısımı kerek körınedı. Öz kezegınde Astana qalasy PİK zaŋdy tūlǧalar bırlestıgı qauymdastyǧynyŋ töraǧasy Mizambek Kenjebaev qalada ortalyqtandyrylǧan şeberhana qūrudyŋ maŋyzdylyǧyn aitty.
– Lift saimandaryn tez tabu üşın Astana boiynşa ortalyqtandyrylǧan şeberhana qajet. Sol kezde avtomatika, esık, arqan siiaqty basqa da qosalqy bölşekterdı aptalap ızdep jürmes edık. Būl jerde maŋyzdysy lifttıŋ jaiy ǧana emes, bastysy – adamdardyŋ qauıpsızdıgı. Sondyqtan kerek-jaraqtyŋ bärı tabylatyn osyndai kompaniia qūruǧa tiıspız, – dedı ol. Sondai-aq brifing barysynda aldaǧy uaqytta jedel satylardyŋ qalalyq ortaq bazasynyŋ qūrylatyny söz boldy.
