Astana qalasynda jyl basynan berı jasalǧan 21 myŋ qylmystyŋ 12 myŋy, iaǧni 56,8 paiyzy bötennıŋ mülkın ūrlau eken. Mıne, osy sandar elordalyq poliseilerdı, şynynda da, alaŋdatyp otyr. Osyǧan orai, jaqynda Astana qalasy polisiia departamentı jergılıktı polisiia qyzmetı bastyǧynyŋ orynbasary Tahir Abdrahmanov, kriminaldy polisiia basqarmasy bastyǧynyŋ orynbasary Janbolat Aitbaev jäne elorda äkımdıgınıŋ bas mamany Möldır Tölebaeva baspasöz mäslihatyn ötkızdı.
Ötken on aida qaladaǧy bılım ordalarynda 148 ūrlyq tırkelıp, 17 joǧary oqu ornynyŋ, 44 kolledj studentı men 27 mektep oquşysy jauapqa tartylypty. Qoldy bolatyn köbıne – ūialy telefondar men altyn būiymdar jäne aqşa. Oǧan, negızınen, azamattardyŋ zattaryn qarausyz qaldyratyn beiqamdyqtary da sebep bolyp otyr. Osyndai keleŋsızdıkke qarsy tūryp, qylmystyŋ aldyn alu maqsatynda bas qala poliseilerı osy jylǧy 21 qaraşa men 11 jeltoqsan aralyǧynda «Ūrlyqqa – tosqauyl» atty bırlesken şara ūiymdastyryp otyr.
Şara aiasynda polisiia departamentı bötennıŋ mülkın ūrlaudyŋ aldyn alu, balalar men jasöspırımder arasynda qūqyq mädenietın qalyptastyru tūrǧysynda oquşylar men studentter arasynda üzdık bukletterge konkurs jariialady. Ol päter ūrlyǧy, qalta ūrlyǧy, avtokölık salonynyŋ ūrlyǧy atalymdary boiynşa ötkızıledı. Baiqauǧa bır bılım oşaǧynan üş jūmystan artyq qabyldanbaidy. Konkursqa jūmystar 22 qaraşa men 9 jeltoqsan aralyǧynda qabyldanyp, jeŋımpazdar baǧaly syilyqtar men arnaiy jüldelerge ie bolady.
– Būl jūmysty bız barynşa jüielendıruge tyrystyq. Negızınen, qoǧamdyq kölıkterde, oiyn-sauyq ortalyqtary men jastardyŋ jiı bas qosatyn jerlerınde ūrlyqqa qarsy ügıt-nasihat ıs-şaralaryn ötkızudı közdep otyrmyz. Osynyŋ özı jasöspırımderdıŋ oi-tüisıgın, sana-sezımın qalyptastyrudaǧy alǧaşqy qadamdar bolmaq. Qaladaǧy joǧary oqu oryndaryna, mektep, kolledjderge barudyŋ keste-josparyn belgıledık. Sol arqyly jastardyŋ tanym-tüsınıkterın keŋeite tüskımız keledı, – dedı Astana qalasy polisiia departamentı kriminaldyq polisiia basqarmasy basşysynyŋ orynbasary Janbolat Aitbaev.
