Juyrda QR Prezidentı Qasym-Jomart Toqaev Aqordada Nūr-Sūltan qalasynyŋ äkımı Altai Kölgınovtı qabyldap, jeŋıl relstı tramvaidyŋ (JRT) qūrylysyna qatysty ahualdy barynşa tereŋ zertteu qajettıgın tapsyrdy. Būl turaly Memleket basşysy özınıŋ Twitter-degı paraqşasynda jazdy. Būǧan deiın mälım bolǧandai, Qazaqstan Ükımetı elordadaǧy JRT qūrylysyn otandyq qarjy közderınıŋ esebınen aiaqtau üşın naqty ıs-şaralardy jüzege asyrady.
Äuelde bas qaladaǧy jer üstındegı metronyŋ qūrylysy Qytai Halyq Respublikasynyŋ memlekettık damu bankı ūsynǧan nesie qarajattyŋ esebınen qarjylandyryldy. Alaida ekı ai būryn JRT-nyŋ qūrylysy toqtatylǧany jariia etıldı. Öitken sebebı, elorda äkımşılıgı Qazaqstan Ükımetımen bırlese otyryp, joba qūrylysyn ışkı qarajat közderı esebınen jalǧastyru mümkındıkterın ızdestıruge şeşım qabyldady. Mūndai qadam qūrylysty qarjylandyru şarttaryn jeŋıldetu maqsatynda jasalǧan edı.
Juyrda JRT-nyŋ qūrylysyna qatysty jaǧymdy aqparat taratyldy. Anyǧyraq aitsaq, Nūr-Sūltan qalalyq kölık jäne jol-kölık infraqūrylymyn damytu basqarmasy elorda äkımdıgınıŋ el Ükımetımen bırlese otyryp, JRT qūrylysy jobasyn ışkı qaryz aqşa esebınen qaitadan jäne tolyqtai qarjylandyru turaly şeşım qabyldanǧanyn habarlady. Qūzyrly basqarmanyŋ deregıne süiensek, osynau şeşımge säikes, «Astana LRT» JŞS baǧaly qaǧazdar şyǧaruǧa daiyndyq jūmystaryn jürgızuge kırısıptı.
Būdan bölek, taǧy bır jaŋalyq bar. Osydan bırer kün būryn, dälırek aitsaq, 15 mausym künı «Astana LRT» kompaniiasyna memlekettık kepıldık beru jönındegı Ükımettıŋ qaulysy zaŋdy küşıne endı. Atalǧan qūjatqa säikes, 2019 jyly memlekettık kepıldık boiynşa jekemenşık qarajat esebınen qūrylysty qarjylandyruǧa ūsynylǧan investisiialyq jobalardyŋ tızımı bekıtıldı. Ükımettıŋ qaulysynda atap körsetılgen naqty jobalardyŋ bırı – «Astana qalasynyŋ jaŋa kölık jüiesı. LTR (äuejaidan jaŋa temırjol vokzalyna deiıngı uchaske)» dep atalady.
Qūjatta körsetılgen mälımetterge säikes, būl jobanyŋ jalpy qūny 698 mlrd teŋgenı qūraidy. Şetel aqşasymen eseptegendegı kölemı – 1,8 mlrd AQŞ dollary. Jobanyŋ jüzege asyrylu merzımı – 2016-2020 jyldar. Memlekettık kepıldık beru kölemı 1,6 mlrd AQŞ dollary esebınde bekıtılgen. Ükımettıŋ qaulysynda qaryz aluşy mekeme retınde «Astana LRT» JŞS körsetılgen. Resmi qūjatta ışkı ainalymdaǧy baǧaly qaǧazdar naryǧyndaǧy investorlardyŋ barlyǧy äleuettı qaryz beruşı bola alatyny anyq jazylǧan. Demek, jeŋıl relstı tramvaidyŋ qūrylysy toqtamaidy degen söz.
Älihan Smaiylov, QR Premer-ministrınıŋ
bırınşı orynbasary – Qarjy ministrı:
– Elordada jeŋıl relstı kölık qūrylysy (LRT) boiynşa joba 2020 jyldyŋ küzınde aiaqtalady.
SARAPŞY MAMAN PIKIRI
Mūrat Temırhanov, ekonomist:
– Memlekettık kepıldık beru arqyly şyǧarylǧan «Astana LRT» JŞS-nıŋ korporativtık obligasiialary ıs jüzınde memlekettık baǧaly qaǧazdar bolyp sanalady. Sondyqtan eger mūndai obligasiialar boiynşa paiyzdyq mölşerleme naryqtyq bolsa, ony bankter de, qor naryǧynyŋ basqa da qatysuşylary da qyzyǧyp, satyp alady.
