MÄDENİ OŞAQTAR – ŪDAIY NAZARDA
Kelesı jyly memlekettık qyzmetkerler men qala tūrǧyndaryna, barlyǧy 2 myŋnan astam adamǧa üş ailyq qazaq tılı kurstary ötkızıluı kerek. Būǧan qosa, memlekettık qyzmetkerlerge arnalǧan aǧylşyn tılın oqytu kurstary ūiymdastyrylmaq. Äleumettık qyzmetkerler men astanalyqtar da, jiyny myŋnan asa adam osy tıldı oqidy. Ol üşın 10 mln teŋge bölındı. Keşe ötken Astana qalalyq mäslihatynyŋ Äleumettık-mädeni damu mäselelerı jönındegı tūraqty komissiia otyrysynda mūny Astananyŋ Tılderdı damytu basqarmasynyŋ basşysy Tıleuǧali Qyşqaşbaev habarlady.
Onyŋ aituynşa, atalmyş basqarma qazaq tılı älıpbiın latyn qarpıne köşıru boiynşa baǧdarlama daiyndap jatyr. «Aldymen Astana halqyna latyn grafikasy negızındegı älıpbidı üiretuımız qajet. Elbasynyŋ Jarlyǧy şyǧa salysymen Maŋǧystau oblysy siiaqty öŋırler latynǧa köşu boiynşa ısterdı dereu qolǧa alyp jatyr. Menıŋşe, būl mäselede bastysy – asyǧystyqqa boi aldyrmau. Bärı kezeŋ-kezeŋmen jüzege asady. Bız de josparǧa säikes qimyldaimyz. Bälkım ol üşın qosymşa qarjy da qajet bolatyn şyǧar» dedı basqarma basşysy.
Otyrysta, negızınen, qalanyŋ 2018-2020 jyldarǧa arnalǧan biudjet jobasy, sonyŋ ışınde joǧaryda aty atalǧan basqarma men Mädeniet, mūraǧattar jäne qūjattama basqarmasyna bölınetın qarjy kölemı talqylandy. Äsırese, komissiia müşelerınde halyqqa aǧylşyn tılın oqytu mäselesı boiynşa sūraqtar tuyndady.
Tıleuǧali Qyşqaşbaevtyŋ sözınşe, bır adamǧa osy tıldı oqytu üşın 1700 teŋge bölınedı. Bır jylǧa būl soma 10 myŋnan astam teŋgenı qūraidy. Iаǧni, bır adamǧa arnalǧan jyldyq kurs 6 saǧattan tūrady. Komissiia müşelerınıŋ pıkırınşe, osynşama saǧatta adam aǧylşyn tılın meŋgere almaidy. Būl «beker mal şaşpaq» bolyp otyr. Oqytu nätijelı boluy üşın bölınetın qarjy kölemın ūlǧaityp, saǧattar sany da köbeiu kerek.
Oqyrmannyŋ esınde bolsa, biyl qala teatrlary basşylyǧynyŋ Astana äkımınıŋ orynbasary Ermek Amanşaevpen kezdesuınde «Jastar» teatrynyŋ şatyryn jöndeu mäselesı köterıldı. Mädeniet, mūraǧattar jäne qūjattama basqarmasy basşysynyŋ orynbasary Narima Mūhambetalina būl mäselenı jaŋǧyrtyp, jöndeuge 83 mln teŋge kerek ekenın jetkızdı. Būl qarjyny «Jūmyspen qamtudyŋ jol kartasy» baǧdarlamasynyŋ aiasynda sūraudy josparlap otyrǧanyn aitty.
Aldynda Astanada qazaq teatry salynatyny turaly da resmi türde habarlandy. Basqarma basşysynyŋ orynbasary būl mäselenı de tüsındıre kettı. Onyŋ aituynşa, qazır Qūrylys basqarmasyna jūmysty bastau üşın bastapqy soma retınde 1 mln teŋge bölındı. Teatr boiynşa tehnikalyq-ekonomikalyq negızdeme de daiyn.
Būǧan qosa, deputattardyŋ tarapynan M.Gorkii atyndaǧy Memlekettık akademiialyq orys teatryn
jöndeu, muzeiler men
teatrlarǧa tegın kıretın künderdı ūiymdastyru mäselelerı köterıldı.
Narima Mūhambetalina Astananyŋ 20 jyldyq mereitoiy kele jatqanyn, kelesı jyly basqarmanyŋ negızgı jūmysy ony laiyqty atap ötuge baǧyttalatynyn jetkızdı. Basqarmaǧa biudjetten bölınıp otyrǧan qarjynyŋ qomaqty bölıgı de osy mereitoi şaralaryna jūmsalady eken.
Amanǧali Qaljanov
Teatr qoiylymdar jastarǧa tegın boluy kerek jäne bılım ordalarda nasihattaluy qajet. jastar mädeni aǧartu men tereŋ bılım men sauattylyqqa jol aşylady. Qazaqi qūndylyqtardy därıpteidı