Mädeniet ökılderımen kezdestı
«Amanat» partiiasynyŋ hatşysy Rinat Kertaev elordadaǧy mädeniet pen öner salasynyŋ ökılderımen kezdesu ötkızdı. Jiynǧa filarmoniia direktory, qalalyq mäslihat deputaty Erlan Dakenov, Nūr-Sūltan qalalyq mäslihatynyŋ deputaty Läzzat Razbekova, qalalyq ştab müşelerı Qanat Estek pen Mälık Hasenov, öŋırlık partiia filialynyŋ atqaruşy hatşysy Saqtaǧan Säduaqasov qatysty.
Referendum ötkızudı qoldau maqsatynda ūiymdastyrylǧan kezdesude öner janaşyrlarynyŋ sūraqtaryna jauap berılıp, özektı mäseleler talqylandy. Atap aitqanda, partiia hatşysy Rinat Kertaev: «Jaŋa Qazaqstanda» ötkızıletın referendum barlyq öŋırge özgerıs äkeledı. Bır sözben aitqanda, bilık pen halyqtyŋ arasynda jaŋa qoǧamdyq kelısım qalyptaspaq. Bırınşıden, reforma superprezidenttık basqaru türınen küştı Parlamentı bar prezidenttık respublikaǧa auysudy közdeidı. Elımızdıŋ saiasi jüiesınde Parlamenttıŋ rölın küşeitu boiynşa jüielı ärı naqty jūmystar jürgızılude. Ūsynylyp otyrǧan özgerıster bilıktıŋ zaŋ şyǧaruşy tarmaǧynyŋ maŋyzdy bölıgın qamtidy. Zaŋ şyǧaru prosesınıŋ tiımdılıgı aitarlyqtai artady» dedı.
Änşı Altynai Jorabaeva: «Ärbır änşı būrynǧydai körkemdık keŋestıŋ süzgısınen ötıp, tek jandy dauysta än aitsa, önerdıŋ bäsı artady» degen pıkırın bıldırdı. Sonymen qatar Qazaqstannyŋ eŋbek sıŋırgen ärtısı, änşı, prodiuser Maira Iliiasova men belgılı änşı Svetlana Aitbaeva söz aldy. Öner ielerı kökeide jürgen saualdary men mäselelerın ortaǧa saldy. Onyŋ ışınde memlekettık tıl märtebesın köteru, mädeniet salasyndaǧy qyzmetkerler jalaqysynyŋ tömendıgı aityldy. Öz kezegınde dirijer, mädeniet qairatkerı Nūrlan Bekenov: «Ūlttyq tärbie, sapaly muzyka men talǧamǧa asa män beruımız kerek. Qazırgı jastar estetikanyŋ tömendıgınen filarmoniianyŋ konsertıne emes, jeŋıl şouǧa qyzyǧady» degen oiymen bölıstı.
Partiia hatşysy barlyq aitylǧan ūsynystar men pıkırler eskerıletının jäne «Amanat» partiiasy janyndaǧy «Miras» keŋesınıŋ qarauyna ūsynatynyn mälımdedı. Özektı dünieler men syn-pıkırler aitylǧan kelelı kezdesude öner ielerı Prezidenttıŋ Ata Zaŋǧa özgerıster men tolyqtyrular engızu boiynşa qolǧa alǧan bastamasyn qoldaityndaryn aitty.