Elordanyŋ ortasynan ötetın «Aqbūlaq» arnasynyŋ jaǧalauy bas qaladaǧy körıktı oryndardyŋ bırıne ainalady. Jaǧalauda şaǧyn sarqyrama alaŋy, oiyn jäne sport aimaǧy, köşe kıtaphanasy, türlı taqyrypqa arnalǧan fotozonalar aşylmaq. Arna jaǧalauy men jaiau jürgınşıler joly abattandyrylady.
Būǧan deiın Baiqoŋyr audany äkımdıgınıŋ jäne qalanyŋ Urbanistika ortalyǧynyŋ qyzmetkerlerı jergılıktı tūrǧyndarmen bırneşe kezdesu ötkızgen bolatyn. Osy kezdesulerde tūrǧyndar tarapynan balalar alaŋdarynyŋ, zeinetkerlerge arnalǧan demalys oryndarynyŋ joǧy, erekşe qajettılıgı bar jandarǧa arnalǧan ortanyŋ boluy, aumaqty kögaldandyru turaly aitylǧan edı. Nätijesınde jaǧalaudy damytu tūjyrymdamasy äzırlendı. Urbanister men qala tūrǧyndarynyŋ bırlesken jobasyna säikes, jaǧalauda köşe kıtaphanasy, art-nysandar, ot jaǧyp, seruen qūruǧa bolatyn aumaq, qosymşa jaryqtandyru, su janyndaǧy ätkenşek-oryndyqtar, ǧaşyqtardyŋ kezdesu orny aşylady. Sol siiaqty Euraziia ūlttyq universitetınıŋ janyndaǧy köpır asty keŋıstıgınde oiyn alaŋy ornatylady.
Nūr-Sūltan qalasy Urbanistika ortalyǧynyŋ basşysy Elnar Bazykennıŋ aituynşa, mūnda landşaftyq ūiymdastyru jūmystaryn oryndau üşın infraqūrylymǧa taldau jürgızılgen.
Jaǧalaudy kögaldandyruǧa erekşe köŋıl bölınedı. Būl jerge 97 aǧaş pen 912 būta otyrǧyzu josparlanyp otyr. Abattandyrudyŋ jalpy audany 10000 şarşy metrdı qūraidy.
Amman köşesındegı köpırdıŋ astynda jaiau jürgınşıler joly salynady. Osylaişa saiabaq klasterlerı bırıgedı. Bır sözben aitqanda, astananyŋ dizain-kodyna säikes jaily qalalyq ortany qūrudyŋ barlyq elementı eskerıledı.
– Qalanyŋ dizain-kody – qolaily ortany qalyptastyru qūraly. Artyq şudyŋ, jaiau jürgınşılerdıŋ jüruıne qiyndyq tudyratyn kedergılerdıŋ bolmauy, jaryqtandyru, kögaldandyru jäne demalys oryndarynyŋ jetkılıktı boluy qala körkın arttyra tüsedı, – dedı Nūr-Sūltan qalasynyŋ Säulet, qala qūrylysy jäne jer qatynastary basqarmasynyŋ basşysy Nūrlan Ūranhaev.
Biyl «Nūr-Sūltan – jaily qala» master-jospary aiasynda 200-den astam aula men qoǧamdyq keŋıstıktı abattandyru josparlanyp otyr. Sol siiaqty qalany jappai kögaldandyruǧa da erekşe köŋıl bölınbek.
