Medisina qyzmetkerlerınıŋ merekesıne orai Astanadaǧy №1 qalalyq auruhanada merekelık ıs-şara bolyp öttı.
Merekelık jiynǧa Densaulyq saqtau basqarmasynyŋ basşysy Aigül Segızbaeva, Astana qalasynyŋ mäslihat deputaty Qarşyǧa Qūlmūhanov, Astana qalasynyŋ Ardagerler keŋesınıŋ töraǧasy Amangeldı Syzdyqov jäne basqalar qatysty.
Jiyndy aşqan basqarma basşysy Aigül Kimqyzy aq jeleŋdı abzal jandardy töl merekesımen qūttyqtai kele, olarǧa Astana qalasy äkımınıŋ «Qūrmet gramotalaryn» tapsyrdy. Būl marapattauǧa Astana qalasynyŋ medisina qyzmetkerlerı käsıpodaǧynyŋ töraǧasy Bahytjan Täjıbai men №2 qalalyq emhanasynyŋ rentgenolog-därıgerı Erlan Esırkep ie boldy. Būdan özge, medisina salasyndaǧy jetıstıkterı üşın QR Premer-ministrınıŋ alǧyshaty №1 qalalyq emhana neirohirurgilyq bölımınıŋ basqaruşysy Erlan Qalievke tabystaldy. Al Astana qalasynyŋ äkımınıŋ alǧyshatyn 7 därıger enşıledı. Sondai-aq, ärıptesterı arasynda bılıktılıgımen közge tüsken aqhalattylar «Qazaqstan Respublikasynyŋ Densaulyq saqtau ısıne qosqan ülesı üşın» jäne «Qazaqstan Respublikasynyŋ Densaulyq saqtau ısınıŋ üzdıgı» tös belgılerımen marapattaldy.
Jyl saiyn elordada «Eŋ üzdık maman» baiqauy ötkızıletını belgılı. Biyl būl saiysqa 9 därıger men 5 medbike qatysypty. Astana qalasynyŋ jedel medisinalyq järdem qyzmetınıŋ därıgerı Asqar Kauşuraev bärınen ozyq şyǧyp, bırınşı oryndy ielendı. Al ekınşı oryn Jūqpaly aurular auruhanasynyŋ bölım meŋgeruşısı Läzzat Aiaşevaǧa būiyrsa, üşınşı oryndy №2 qalalyq balalar auruhanasy qabyldau-diagnostikalyq bölımınıŋ därıgerı Amur Janpeisov aldy. Al №1 qalalyq auruhanasy şūǧyl hirurgiialyq bölımşesınıŋ meiırbikesı İndira Äbışeva «Eŋ üzdık medbike» baiqauynyŋ üzdıgı bolyp tanyldy. Ekınşı oryndy Respublikalyq sanitarlyq aviasiia ortalyǧynyŋ feldşerı Marat Raqymjanov alsa, üşınşı oryndy Qalalyq jūqpaly aurular auruhanasynyŋ medbikesı Gülsım Baltabaeva enşıledı.
Saltanatty räsımnen keiın №1 qalalyq auruhanasy bas därıgerınıŋ hirurgiialyq ısı jönındegı orynbasary Ǧaliia Abejanova elorda medisinasynyŋ jetıstıgıne toqtala kele, hirurgiia salasyndaǧy tabys-tar köp ekenın atap öttı. Mysaly, osynda 2 bauyr, 3 büirek transplantasiiasy jasalǧan. Kelesı aptada üşınşı ret bauyr auystyru operasiiasy jasalady dep josparlanyp otyr. «Elorda därıgerlerı zamanaui medisinalyq apparattardyŋ tılın meŋgerıp, şet memleketterde täjıribeden ötuınıŋ özı – ülken jetıstık» deidı Ǧaliia Abejanova.
Merekelık şara konserttık baǧdarlamaǧa ūlasty.
Bota JŪMABAIQYZY
