QR Ūlttyq muzeiınde «Astana – ruhy myqty adamdar qalasy» baǧdarlamasynyŋ aiasynda elordanyŋ 20 jyldyǧyna arnalǧan «Meiırım» I balalar şyǧarmaşylyǧynyŋ inkliuzivtı muzeilık festivalı öttı.
Festival qarsaŋynda arnaiy bılım berudı qajet etetın balalar men jasöspırımder arasynda baiqau jariialandy. Oǧan barlyǧy 400-ge juyq bala ötınış berdı. Onyŋ ışınde 100-den asa baldyrǧan beineleu önerı boiynşa (suret, qoldan būiymdar jasau jäne t.b.), 200-den asa bala oryndauşylyq öner boiynşa (vokal, bi önerı, aspaptarda oinau, körkemsöz oqu) qatysty. Al 120 bala gala-konsertke öttı.
«Muzei ötken jyldan berı mümkındıgı şekteulı jandarǧa kedergısız orta qalyptastyru, muzeilık bılım beru arqyly Qazaqstan men basqa da elderdıŋ mädeni qūndylyqtaryn körsetu, oi-örısın keŋeitu, şyǧarmaşylyq mümkındıkterın damytyp, qiialdaryn ūştau maqsatynda olarǧa äleumettık baǧyttalǧan «Meiırım» jobasyn jüzege asyryp keledı, – dedı şaranyŋ aşylu saltanatynda söz alǧan QR Ūlttyq muzeiı direktorynyŋ orynbasary Abai Satybaldin.
Festivaldı ūiymdastyruşylardyŋ bırı – «Nūr Otan» partiiasy Astana qalalyq filialy atynan atalmyş filial töraǧasynyŋ orynbasary Vladislav Sergeev būl şaranyŋ maŋyzyn atap öttı.
Atalǧan festival aiasynda muzei şeberlerınıŋ şeberlık saǧattary da ötkızıldı. Atap aitsaq, Ūlttyq muzeidıŋ bas saqtauşysy, kiız basu önerınıŋ şeberı Ryskül Bektalieva, zerger-şeberı, suretşı-restavratorlar Sanat Aiatbekov pen Stanislav Bachin, Qazaqstan dizainerler odaǧynyŋ müşesı, osy mädeni oşaqtyŋ beineleu önerı studiiasynyŋ oqytuşysy Mūhtar Baibosyn, Ūlttyq muzeidıŋ kışı ǧylymi qyzmetkerı Zuhra Baianova türlı därıster berdı.
Festival barysynda bırneşe atalym boiynşa önerpaz balalar ırıktelıp, olarǧa diplomdar, estelık syilyqtar jäne «AILAND» otbasylyq demalys ortalyǧynyŋ Mūhitaralyna sertifikattar tapsyryldy.
«Vokal» atalymynda Danil Platisin bırınşı oryndy, ekınşı oryndy Valeriia Han men Iŋkär Ertaiqyzy, al üşınşı oryndy Nazerke Danaibek, Ekaterina Polityko jäne Qairat Daryn, Ersaiyn Ospanov, Narqyz Iliiasovadan qūralǧan üştık ielendı.
«Mänerlep oqu», «Aspaptyq oryndau», «Horeografiia», «Beineleu önerı» atalymdaryndaǧy jüldeler de ielerın tapty.
