Jaŋa oqu jylyna daiyndyq barysy mektepterdıŋ tek materialdyq-tehnikalyq bazasyn ǧana emes, jalpy sanitariialyq tazalyqty jan-jaqty pysyqtaityn sät. Ol jönınde Astana qalasy boiynşa Tūtynuşylardyŋ qūqyqtaryn qorǧau jönındegı departamenttıŋ mektepke deiıngı, balalar jäne bılım beru obektılerın sanitariialyq-gigienalyq baqylau bölımınıŋ meŋgeruşısı Elena TAQAMBAEVADAN sūrap bıldık.
– Jaŋa oqu jylynyŋ qarsaŋynda mektepterge sanitarlyq-gigienalyq tūrǧyda tekserıs jürgızıldı me?
– Taiauda ǧana Bılım basqarmasy ökılderınıŋ qatysuymen mektepterdı oqu üderısı, tamaqtandyru jäne oquşylarǧa medisinalyq qyzmet körsetu boiynşa keşendı sanitariialyq-gigienalyq tekserıs jürgızdık. Özderıŋız bılesızder, elordanyŋ orta bılım salasyndaǧy tüitkıldı mäselenıŋ bırı – keibır mektepterde üş auysymmen oqu. Biyl jalpy sany 4800 oryndyq tört mekteptıŋ paidalanuǧa berıledı. Nätijesınde sol jaǧalaudaǧy №59, 66 mektepterdegı şamadan tys jükteme jeŋıldetıledı. Alaida, bır aita keterlıgı №8, 54 mektepter maŋaiyndaǧy, qalanyŋ eskı ortalyǧy, Silikatnyi kentı, bırqatar yqşam audandardaǧy halyqtyŋ tyǧyz ornalasuyna bailanysty auysymmen oqu älı de saqtalady. Alaida mūnyŋ bärı uaqyt öte şeşıletın mäsele.
– Oquşylardyŋ tamaqtan ulanuy jiı kezdesetın jaǧdai. Osy tūrǧyda mektep ashanalaryndaǧy ahual qalai?
– Qazırgı taŋda keibır mektep ashanalaryndaǧy būryn-soŋdy jetıspegen toŋazytqyş jabdyǧy, ydys-aiaq satyp alyndy. Ashanany jalǧa aluşylar tügeldei medisinalyq tekseruden öttı. Azyq-tülık jetkızuşılermen kelısımşart jasaldy. Oǧan qosa aitarymyz, Tūtynuşylardyŋ qūqyqtaryn qorǧau departamentı ashana jūmysşylary men bılım mekemelerı janyndaǧy medisinalyq qyzmetkerlerge balalardyŋ tamaqtandyruyn dūrys ūiymdastyru, somatikalyq jäne jūqpaly aurulardyŋ aldyn alu boiynşa arnaiy seminar da ötkızdı. Mektep direktorlarynyŋ esebı boiynşa, alǧaşqy därıgerlık kömekke qajet därı-därmek, dezinfeksiialauşy zattar daiyn ärı jyl boiyna tolyqtyrylyp otyrylady.
– Osy oraida köp ata-analar oquşy sömkesınıŋ tym auyrlyǧymen qatar, synyp bölmelerındegı alaŋsyz oquǧa jaǧdai jasalmaǧanyna şaǧymdanyp jatady…
– Älbette, ondai mäselenıŋ baryn joqqa şyǧara almaimyz. Mektep direktorlarynyŋ qatysuymen ötkızıletın jinalystarda oquşylardyŋ arasynda tırek-qozǧaltqy aurularynyŋ (skolioz, omyrtqanyŋ maiysuy) aldyn alu maqsatynda mektep jihazyn jabdyqtaǧanda jas pen boidy eskeru kerektıgın bırneşe märte kötergenbız. Ol tūrǧyda biyl edäuır ılgerıleu bar ekenıne kuä boldyq, öitkenı bırqatar mektepter aitqan synymyzdy eskerıp, naqty ıske köştı. Sonymen qatar, 14 mektepte oqu kabinetterındegı volframdy şam liuminesenttı şamǧa auystyryldy. Jalpy, būl baǧyttaǧy tekseruler tek jyl basynda ǧana emes, oqu barysynda toqtamaitynyn eskertkımız keledı.
Ädılbek JAPAQ
