Juyrda Qazaqstan kinematogaftary patriottyq filmder tüsırudı qolǧa alady. Elbasy Nūrsūltan Nazarbaev Almatydaǧy rezidensiiasynda Şäken Aimanov atyndaǧy «Qazaqfilm» kinostudiiasynyŋ prezidentı Ermek Amanşaevty qabyldau üstınde osyndai mındetteme jüktedı.
Prezident baspasöz qyzmetınıŋ habarlauynşa, kezdesude otandyq kinematografiianyŋ jaǧdaiy men damu perspektivalary, kinostudiianyŋ qazırgı jūmysy, sondai-aq aldaǧy kezeŋge arnalǧan josparlary talqylanǧan. Memleket basşysy bügınde kinostudiia qazaqstandyqtardyŋ mädeni damuynda airyqşa röl atqaratynyn atap öttı.
Kino salasyn damytu üşın memleket tarapynan tiısınşe jaǧdai jasaluda. Kinostudiia joǧary därejelı jabdyqtarmen jäne zamanaui tüsıru alaŋdarymen qamtamasyz etılgen. Osyny qaperge salǧan Nūrsūltan Nazarbaev ūrpaq tärbiesıne oŋ yqpal etetın patriottyq taqyryptaǧy filmder öndırısı qajet ekenın atap öttı.
Patriottyq tärbie jalaŋ sözben jürmeidı. Qazaq öskeleŋ ūrpaqty tärbieleu üşın daŋqty, önegelı tūlǧalaryn nasihattap, tarihyn tu qyluǧa tiıstı. Sondyqtan da, Prezident Qazaq handyǧynyŋ türlı tarihi kezeŋderıne jäne sol zamannyŋ aituly tūlǧalaryna arnalǧan kinolar tüsırudıŋ özektılıgın de äŋgımeledı.
Aita ketu kerek, resmi qabyldauda Ermek Amanşaev mälımdegendei, «Qazaqfilm» jyl soŋyna deiın prokatqa türlı taqyryptaǧy 8 film şyǧarudy josparlap otyr eken. Qazaqstandyq kinofilmder byltyr 1 millionnan astam körermen jinaǧan.
Näzira BAIYRBEK
