Oqu jylynyŋ basynda qala mektepterınde 1-synyp oquşylaryna tuberkulezge qarsy ekpe jasau jürgızıledı. Būl ekpe tuberkulezge qarsy ekınşı ekpe, bırınşısın balalar tuylǧan kezde alady.
Astana qalasy Tuberkulezge qarsy dispanser ftiziopediatrlarynyŋ qatysuymen Mantu synamasyn aldyn ala qoiǧannan keiın ǧana aumaqtyq emhanalar qyzmetkerlerı immundau jürgızedı. Ekpe infisirlenbegen, denderı sau balalarǧa jasalady.
Mantu synamasy mındettı türde därıger balalardy qaraǧan soŋ ǧana qoiylady. Keibır ata-analar balalary üşın Mantu synamasynan qauıptenedı. Negızınde būdan qorqudyŋ qajetı joq, kerısınşe, bastapqy kezeŋde qauıptı anyqtap, tuberkulezdıŋ qandai qauıptı auru ekenın eskerte otyryp der kezınde şaralar qoldanu jäne aldyn alu üşın kömek beredı. Mantu synamasy bala aǧzasyna ziian tigızbeidı. Salynatyn qospada mikrobakteriialar daqylynyŋ filtrattary bar, alaida olar qyzdyru ädısı arqyly öltırılgen, sondyqtan da qauıpsız bolyp keledı.
Synamany jürgızu kezınde preparatty terıge salady, sondai-aq bır rettık şprister paidalanylady. Mantu synamasyn arnaiy oqyǧan, tiıstı daiarlyqtan ötken jäne rūqsat qaǧazy bar medisina qyzmetkerı jürgızedı. Mantu synamasy nätijesı 72 saǧattan keiın belgılı bolady, eger Sızdıŋ balaŋyzǧa BSJ jasamasa jäne ftiziopediatrǧa jıberse uaiymdaudyŋ qajetı joq. Mūndai jaǧdailarda ata-analar balany tūrǧylyqty mekenjaiy boiynşa emhanada ftiziopediatrdyŋ tekseruınen ötuın qamtamasyz etu kerek, būl degenıŋız – keude quysynyŋ şolu rentgenogrammasy, qan jäne zärdıŋ jalpy taldauy, t.b. Tekseru ainalymy bır aidan aspauy qajet, sebebı därıgerdıŋ anyqtamasy bolmai, balaǧa sabaqqa qatysuǧa rūqsat bermeidı.
Ekpenı jürgızgennen keiın balanyŋ ineksiia salǧan ornyn qasymau kerek.
Balaŋyzdyŋ densaulyǧyna ūqypty bolyŋyz!
Astana qalasy boiynşa Tūtynuşylardyŋ qūqyqtaryn
qorǧau departamentı
