Jaŋa jol belgılerı qoldanysqa enedı, dep habarlaidy astana-akshamy.kz
«2024 jylǧy 17 säuırde Işkı ıster ministrı «2023 jylǧy 30 mausymdaǧy № 534 Jol jürısı qaǧidalaryn, Kölık qūraldaryn paidalanuǧa rūqsat beru jönındegı negızgı erejelerdı, kölıgı arnaiy jaryq jäne dybys signaldarymen jabdyqtaluǧa jäne arnaiy tüstı-grafikalyq shemalar boiynşa boialuǧa tiıs jedel jäne arnaiy qyzmetter tızbesın bekıtu turaly» būiryǧyna özgerıster men tolyqtyrular engızu turaly» būiryqqa qol qoidy.
Atalǧan būiryqpen jol jürısı qaǧidalaryna kelesı mäselelerdı közdeitın bırqatar tüzetuler engızıledı:
– «üzıksız tūtas bır syzyqty» (odinarnaia sploşnaia liniia) kesıp ötkenı üşın jauapkerşılık özgerdı.
Endı 1.1. (jalpaq «üzıksız tūtas bır syzyqty») jol belgısımen bölıngen jäne (nemese) 3.20. («Basyp ozuǧa tyiym salynady») belgısımen belgılengen ekı jolaǧy bar ekı jaqty jolǧa şyǧu, qarsy jürıs jolaǧyna şyǧu bolyp esepteledı;
– eldı mekende avtobustardyŋ jyldamdyǧyn saǧatyna 50 km deiın tömendedı;
– M3 (avtobustar) sanatyndaǧy barlyq kölık qūraldary üşın marşruttyq kölık qūraldaryna arnalǧan jolaqtyŋ qozǧaluyna bolady;
– tırek-qimyl apparaty būzylǧan mügedektıgı bar adamdardyŋ üşınşı tobyna jol infraqūrylymyna qol jetkızuge rūqsat beru;
Mäselen, eger būryn «mügedektıgı bar adam» degen tanmdyq belgısın kölık qūralyna tek 1 jäne 2 toptaǧy mügedektıgı bar adam ornalastyra alatyn bolsa, endı mūndai belgını tırek-qimyl apparaty būzylǧan 3 toptaǧy mügedektıgı bar adamdar da paidalana alady.
Esterıŋızge sala keteiık, mūndai belgı mügedektıgı bar adamdarǧa arnaiy bölıngen avtotūraqtarda (mügedekterge arnalǧan tūraq), sondai-aq tūraqqa tyiym salynǧan oryndarda toqtauǧa basym qūqyq beredı;
– jaŋa jol belgılerı engızıldı: 3.9.1. «Elektrosamokat jürısıne tyiym salynady», 5.8.6a – 5.8.6v «parallel jatqan jol bölıgıne ötu», 5.8.6g, 5.8.6d «parallel jol bölıgınıŋ soŋy», 5.16.3 «diagonaldy jaiau jürgınşıler ötkelı» jäne t. b.;
– jaŋa tanymdyq belgılerı engızıldı: «Elektromobil», «Gaz ballonmen jabdyqtalǧan avtokölık».
Būl normalar 2024 jylǧy 6 mamyrdan bastap küşıne enedı», – delıngen IIM Baspasöz qyzmetı taratqan habarlamada.
