Astanada qalalyq Sybailas jemqorlyqqa qarsy ıs-qimyl departamentı men sybailas jemqorlyqqa qarsy erıktıler bırlesıp, «Sybailas jemqorlyqqa qarsy mobildı top» jobasy aiasynda qala tūrǧyndaryna tegın zaŋ kömegın körsettı, dep habarlady astana-akshamy.kz
Halyq arasynda sybailas jemqorlyqtyŋ aldyn aludy tüsındıru maqsatynda ūiymdastyrylǧan bastama jyl soŋyna deiın jalǧasady.
Sybailas jemqorlyqqa qarsy ıs qimyl agenttıgınıŋ Astana qalasy boiynşa departamentınıŋ Prevensiia basqarma bastyǧynyŋ orynbasary Ualihan Qūramaevtyŋ sözınşe, mobildı toptyŋ basty maqsaty halyqtyŋ özektı mäselelerın zaŋǧa säikes jedel şeşu.
«Astanada sybailas jemqorlyqqa qarsy volonterlık jobasy byltyr bastaldy. Qazırgı taŋda 209 volonter bar. Būl joba sybailas jemqorlyqqa qarsy ıs-qimyl jäne türlı mekemelerdıŋ qyzmetındegı aşyqtyqty arttyru salasynda maŋyzdy mındetter qoiady. Mobildı toptyŋ negızgı maqsaty azamattardyŋ zaŋ konsultasiiasyna qol jetkızuın qamtamasyz etu jäne olardyŋ özektı mäselelerın zaŋǧa säikes jedel şeşu. Bügın osy joba aiasynda advokattar men zaŋgerlerler jäne qūqyq qorǧau organdarynyŋ qyzmetkerlerınen tūratyn mobildı top halyqqa tegın zaŋ boiynşa qūqyqtyq keŋes berudı bastady. Aldaǧy uaqytta qalamyzdaǧy qalǧan 4 audanda osyndai jiyn ötkızemız. Jalpy būl bastama jyl soŋyna deiın jalǧasady», – deidı ol.
Mobildı top Saryarqa audanynda ornalasqan ırı sauda oiyn-sauyq ortalyǧynda boldy. Olar elordalyqtardy qabyldap, sūraqtaryna jauap berdı. Özın mazalaǧan saualdarǧa jauap alǧandardyŋ bırı – Ainūr Alpysbaeva.
«Būl bastama elordalyqtar üşın ülken mümkındık dep oilaimyn. Sebebı būl jerde naqty sala mamandary otyr. Olar tūrǧyndarǧa tegın keŋes berıp jatyr. Mysaly men aldymen advokattan keŋes alyp, ärı qarai zaŋgermen söilestım. Olar sūraǧym boiynşa barlyǧyn tüsındırıp, mäselenı şeşu üşın ärı qarai ne ısteu kerek turaly nūsqaulyq berdı. Kezdeisoq körıp qalyp, öz sūraǧyma jauap alǧanyma quanyştymyn», – deidı elordalyq A. Alpysbaeva.
