Elordada «1 mamyr – Qazaqstan halqynyŋ Bırlıgı künıne» orai bırqatar mädeni ıs-şaralar josparlanyp otyr, dep habarlaidy astana-akshamy.kz
Olardyŋ arasynda türlı chellendjder, konsertter, döŋgelek üstelder bar.
30 säuırde Euraziialyq gumanitarlyq kolledjde Qazaqstan halqynyŋ bırlıgı künın merekeleuge arnalǧan taqyryptyq kuratorlyq saǧattar, «Bar bereke – bırlıkte!» döŋgelek üstelı josparlanǧan.
L.N. Gumilev atyndaǧy EŪU-da, sondai-aq bırneşe kolledjde QHA müşelerınıŋ Qazaqstan halqynyŋ Bırlıgı künıne arnalǧan oqu oryndaryndaǧy därısterı ötedı.
«Jeleznodorojnyi» tūrǧyn alabynda 30 säuır künı mektep oquşylary arasynda «Tatulyq mekenı» atty suret baiqauy ötedı.
Däl osy künı №1 jäne №3 Balalar muzykalyq mektebınde konserttık ıs-şaralar josparlanyp otyr.
Būl künı L.N. Gumilev atyndaǧy EŪU-da Qazaqstan halqynyŋ bırlıgı künıne arnalǧan döŋgelek üstel, «Köptıldılık qazaqstandyq bılım beru ürdısı retınde» blis turnirı, sol siiaqty «Jansaia» äleumettık qyzmet körsetu ortalyǧynda qyzmet aluşylarǧa, ata-analarǧa, qyzmetkerlerge arnalǧan konsert ötedı.
Sol siiaqty 30 säuır künı «Ümıt» daǧdarys ortalyǧynda, «Qamqor» äleumettık qyzmet körsetu ortalyǧynda, «Şarapat» äleumettık qyzmet körsetu ortalyǧynda, «Janūia» otbasy institutyn qoldau ortalyǧynda, «Nūrly jürek» äleumettık qyzmet körsetu ortalyǧynda, Belsendı ūzaq ömır süru ortalyǧynda konsertter, ūlttyq oiyndardyŋ festivalın, suret konkursyn ötkızu josparlanyp otyr.
Al 30 säuır men 1 mamyr künderı Jazuşylar alleiasynda älemnıŋ ärtürlı tılderındegı öleŋderdı mänerlep oqu ıs-şarasy ötedı. Sol siiaqty däl osy alleiada «Bır şaŋyraq astynda» asfaltqa suret salu baiqauy, «Kıtap qala» kıtaphanasy negızınde «Yntymaǧy jarasqan tuǧan ölkem – Qazaqstan» taqyrybynda kıtap körmesı, Baiqoŋyr audanynyŋ kışkentai tūrǧyndary arasynda köŋıldı starttar ötedı.
30 säuır künı Qazaq tehnologiia jäne biznes universitetınde döŋgelek üstel, Äl-Farabi atyndaǧy Oquşylar saraiynda «Dostyq keruenı» teatrlandyrylǧan-horeografiialyq kompozisiiasy, Ortalyqtandyrylǧan kıtaphanalar jüiesınde «Dostyǧy jarasqan el» atty studenttermen döŋgelek üstel ötedı.
Būl künı Bögenbai daŋǧyly men Jeŋıs daŋǧylynyŋ qiylysyndaǧy «Aqjaiyq» saiabaǧynda Etnomädeni bırlestıkter müşelerınıŋ qatysuymen aǧaş otyrǧyzu ıs-şarasy ötedı.
1 mamyr künı qala boiynşa «Bauyrsaq bırıktıredı» (bauyrsaq taratu) merekelık şarasyn ötkızu josparlanyp otyr.
Ä.Mämbetov atyndaǧy komediia-drama teatrynda «Aqan serı» qoiylymynyŋ premerasy, «Jastar» saraiynda «Saraiymyzdyŋ balalary» konsertı ötse, «ALJİR» memorialdyq-mūrajai keşenınde «Ūlt bırlıgı – Ūly bailyq» körmesı, S.Seifullin atyndaǧy mūrajaida «Bırlık tübı – bereke» körmesı, M.Ötemısūly atyndaǧy Oquşylar saraiynda «Bırlıgı jarasqan Qazaqstan!» körmesı ötedı.
B.Momyşūly, 5 mekenjaiyndaǧy Oquşylar saraiynda merekege arnalǧan bırqatar ıs-şara qolǧa alynbaq. Sol siiaqty №42 orta mektepte «Beibıtşılık pen kelısım tıleimız» meirammen qūttyqtau chellendj aksiiasy (ärtürlı etnos ökılderınıŋ qatysuymen) ūiymdastyrylady.
Būl künı Qazaq ūlttyq horeografiia akademiiasynda «Yntymaǧy jarasqan Qazaqstan» döŋgelek üstelı josparlanyp otyr.
