Elımızdıŋ qūrylys normalary men erejelerıne aqpan aiynda özgerıster engızıldı. Astana qalasy Bılım basqarmasynyŋ basşysy Änuar Janǧozinnıŋ aituynşa, būl jaǧdai orta mektepter qūrylysyna da artyqşylyqtar berıp otyr. Endı 1200 oryndyq mektepterdıŋ ornyna 3 myŋǧa tarta oquşyǧa arnalǧan oqu oryndaryn saluǧa bolady. Osyǧan orai Bılım basqarmasy Qalalyq ortany regenerasiialau basqarmasymen bırge şahardaǧy jetı uchaske boiynşa mektepterdıŋ qūrylysy jobasyn özgerttı. Aldynda Bas josparda talqylanǧan būl mäsele qalalyq mäslihattyŋ äleumettık-mädeni damu mäselelerı jönındegı tūraqty komissiiasynyŋ otyrysynda qaraldy.
«2023 jylǧa deiın Astanada 123 myŋ balaǧa köbeiedı dep kütılude. Būǧan qazır mektepterge syimai jatqan 11 myŋ balany qosyŋyzdar. Jaqyn jyldary 134 myŋ balaǧa arnalǧan jekemenşık mektepterdı salu mümkın emes. Sondyqtan Ükımetpen būl mäselenı talqylap jatyrmyz. Oryndar tapşylyǧyn 25 paiyzǧa jekemenşık mektepter, 75 paiyzǧa memlekettık mektepter esebınen jabudy josparladyq, alaida Ükımet būl josparmen kelıspei otyr. Sebebı mektepterdı saluǧa qosymşa 130 mlrd teŋgeden astam qarjy kerek. Bügınderı mäselenıŋ şeşımın ızdep jatyrmyz. Bälkım, mektepter qūrylysynyŋ 40-50 paiyzyn investorlarǧa, iaǧni jekemenşıkke jükteimız» dedı Ä. Janǧozin.
Onyŋ sözınşe, qazır qalada 10 mektep salynyp jatyr. Biyl 3 mektep paidalanuǧa berılmek. Qalǧan 7 mektep pen 6 japsarlas ǧimarat qūrylysynyŋ biudjetı bekıtıldı. Qūrylys jūmystary biyl bastalmaq.
Jalpy, qalada mektepter tapşylyǧymen qatar problemaly orta bılım beru nysandary bar. Sonyŋ ışınde mäslihat deputaty Zeinolla Şıbkenov «Öndırıs» jäne «Kirpichnyi» tūrǧyn alaptaryndaǧy №23 jäne №12 mektepterdıŋ jaiyn sūrady. «Kirpichnyidaǧy» mektepke 800 oquşy avtobustarmen qatynaitynyn qaperge saldy.
«№12 mektepte oquşylardyŋ şamadan tys asyp ketu mäselesın oquşylardy basqa mektepterge avtobuspen tasymaldau nemese otbasylardy köşıru arqyly şeşuge bolatyn şyǧar. Būl maŋaida jaŋa mektep salu mümkın emes. Eşqandai normalar būǧan mümkındık bermeidı. №23 mektepke japsarlas ǧimarat salu mäselesın qarastyryp jatyrmyz. Bıraq №60, №31, №59, №75 mektepterde oquşylar sany odan da köp. Iаǧni, aldymen osy orta bılım oryndarynyŋ mäselesın şeşuımız kerek» dedı basqarma basşysy.
Deputat Qaraqat Abden Telman kentınıŋ mäselesın köterdı. Onyŋ aituynşa, atalmyş kentte bırde-bır mektep pen balabaqşa joq. Eŋ jaqyn mektep Zarechnyida ornalasqan. Onyŋ özınde oquşylardyŋ sany asyp ketken. Qaladaǧy №75 mektep siiaqty nysandardy Telman men Zarechnyidan kelıp qatynaityn oquşylar toldyrdy.
«Astananyŋ şetkı aimaqtaryn damytu tūjyrymdamasy äzırlendı. Qalanyŋ şetınde tūratyn halyqtyŋ jaǧdaiyna mūqiiat qarauymyz kerek. Bıraq sol aimaqtarda tūratyn balalardy ünemı ūmytamyz. Mektep pen balabaqşamen, qoǧamdyq kölıkpen tiıstı deŋgeide qamtamasyz etpeimız» dedı Q. Abden.
Deputat qosymşa bılım tüitkılın de atap öttı. Onyŋ sözınşe, muzykaǧa jäne beineleu önerıne baulityn mektepter, Oquşylar sarailary – bärı oŋ jaǧalauda ornalasqan. Sol jaǧalauda olardyŋ bırde-bıreuı joq.
Ramziia Umerbaeva būrynǧy ülgımen mektep salynǧanda onyŋ janyna balabaqşa saludy ūsyndy. Deputattyŋ sözınşe, ata-analar da būl ülgını qūptaidy.
Qalalyq mäslihattyŋ äleumettık-mädeni damu mäselelerı jönındegı tūraqty komissiiasynyŋ töraǧasy Mäjit Şaidarov öz täjıribesımen bölıstı. «Qazır mektepterdıŋ tyǧyzdyǧyn talqylap otyrmyz. Osydan 18 jyl būryn Astana qalasy Densaulyq saqtau departamentın basqarǧanymda däl osyndai jaǧdai emhanalarǧa qatysty tuyndaǧan edı. Iаǧni, olardy qai aumaqqa salu kerektıgın şeştık. Bas jospardy, Bılım, Jūmyspen qamtu, eŋbek basqarmalaryn, Işkı ıster departamentın, Köşı-qon polisiiasyn şaqyryp, qalanyŋ elektrondy kartasyn äzırledık. Sol arqyly qūrylys jüretın aumaqtar, halyqtyŋ tyǧyzdyǧy anyqtaldy. Qazırgı emhanalardyŋ bärı sol uaqytta jobalandy. Mektepterdı de osy ülgımen salu kerek. Telmanda qūrylys qarqyndy jürgızılıp jatyr. Demek, sol aumaqqa mektep qajet» dedı komissiia töraǧasy.
Deputat Zäure Jüsıpova 1200 balaǧa arnalǧan №82 mekteptı «Daryn» mektebıne qosyp jıbergenın, qazır ondaǧy oquşylardyŋ sany 600-den astam ekenın aitty. «Basqa mektepter 3 myŋ oquşymen oqyp otyrǧanda, būl mektepte bala sany bar bolǧany – 600. «Arman qalanyŋ» maŋaiynda ülken mektep salyndy. Būl matematikalyq baǧyttaǧy oqu ornyn jekenıŋ qolyna berıp qoidy. Eger mektepterdı jekenıŋ qolyna bere bersek, oqu oryndary tyǧyzdyǧy mäselesın şeşpeimız» dedı deputat.
Qalalyq ortany regenerasiialau basqarmasynyŋ basşysy Ǧali İsqaliev eger mäslihat deputattary ūsynylǧan jobany qoldasa, biyl jaŋa 10 mekteptı jobalau jūmystary bastalatynyn aitty. Energetika jäne bailanys kolledjıne arnalyp salynǧan ǧimarat mektepke berıletının, tiıstı taldau Telman kentınde mektep qajettıgın körsetse, ony jobadan alyp tastamaitynyn jetkızdı.
Deputat Zūlpyqar Ǧaiypov kolledj ǧimaratyn mektepke bermes būryn tüsındırme jūmystaryn jürgızu kerektıgın aitty.
