Memleket basşysy Resei Federasiiasynyŋ Prezidentı Vladimir Putinmen kezdestı
Kezdesude memleketter basşylary keŋ auqymdy mäselelerdı, atap aitqanda, ekıjaqty yntymaqtastyqtyŋ basymdyǧy bar baǧyttaryn, sondai-aq Euraziialyq ekonomikalyq odaq aiasyndaǧy özara ıs-qimyldyŋ jai-küiın talqylady.
Qazaqstan Prezidentı Reseidıŋ eŋ jaqyn körşımız, ekonomikalyq jäne saiasi tūrǧydan odaqtasymyz ärı serıktesımız ekenın, solai bolyp qala beretının atap öttı.
Bızdıŋ bırlese jürgızgen jūmystarymyzdyŋ arqasynda TMD ömır sürıp keledı, Euraziialyq ekonomikalyq odaq qūryldy. Kürdelı halyqaralyq jaǧdailarǧa qaramastan, ol bügınde qyzmetın jalǧastyruda. Mäskeude ötken Jeŋıs künı merekesıne şaqyrǧanyŋyz üşın taǧy da rizaşylyǧymdy bıldıremın. Biyl ülken merekeler bar – TMD-nyŋ qūryluynyŋ 25 jyldyǧy, sondai-aq EAEO-ǧa müşe memleketter täuelsızdıgınıŋ mereitoilary, Resei künı. Jalpy, bızdıŋ aldymyzda ŞYŪ, TMD memleketterı basşylary keŋesı, Qazaqstan men Resei öŋıraralyq yntymaqtastyq forumy, sondai-aq Peterburg halyqaralyq ekonomikalyq forumy aiasynda tyǧyz kezdesuler kestesı tūr. Osyndai kezdesulerdıŋ köptıgı bızdıŋ elderımız arasyndaǧy qarym-qatynastyŋ özara senımdı sipaty bar ekenın bıldıredı. Talqylaular arqyly bız kez kelgen mäselenı şeşıp kelemız, būl yntymaqtastyǧymyzdy odan ärı damytuǧa septıgın tigızedı, – dedı Memleket basşysy.
Sondai-aq V.Putin 9 mamyrda Mäskeuge saparmen kelgenı üşın Nūrsūltan Nazarbaevqa alǧys aitty.
Bız mūny airyqşa qarym-qatynasymyzdyŋ belgısı dep baǧalaimyz. Qazaqstan – bız üşın jaqyn serıktes jäne eŋ senımdı odaqtas. Aramyzda berık ekonomikalyq qarym-qatynas ornyqqan. Būǧan deiıngı jyldarda Qazaqstan ekonomikasy jaqsy qarqyn alyp, onyŋ damuynyŋ ırgelı negızı qalandy. Osynyŋ barlyǧy qazırgı qiyndyqtardy eŋseruge mümkındık beredı. Euraziialyq ekonomikalyq odaqtan bız eşqandai «ǧajaiyptar» kütpeimız, bıraq integrasiialyq özara ıs-qimyl bızge qazırgı qiyndyqtardy jeŋuge kömegın tigızedı, – dedı Resei Prezidentı.
Aqorda saitynyŋ habarlauy boiynşa
