MEMLEKETTIK NAGRADALAR TAPSYRYLDY
6 säuır künı Aqordada Nūrsūltan Nazarbaevtyŋ Jarlyǧymen bırneşe äskeri adamǧa öz qyzmetterıne adaldyǧy üşın jäne äskeri boryşyn atqaru kezınde batyldyq tanytqany üşın memlekettık nagradalar taǧaiyndalyp, Elbasy olardy öz qolymen marapattady.
Otan qorǧauşylar künıne orailastyrylǧan şarada söz söilegen Prezident: «Sızder tek öz qyzmetterıŋızdı ǧana emes, azamattyq boryştaryŋyzdy da abyroimen atqardyŋyzdar, jastarǧa ülgı boldyŋyzdar. Sızderdıŋ ısterıŋız – öz halqyn süiudıŋ jäne oǧan adal boludyŋ üzdık ülgısı» dep, äskerilerge ülken senım bıldırdı.
Jalpy Qorǧanys, Işkı ıster jäne Tötenşe jaǧdailar jönındegı ministrlıkter, Ūlttyq qauıpsızdık komitetı, Memlekettık küzet qyzmetı, «Syrbar» syrtqy barlau qyzmetı, Ekonomikalyq qylmysqa jäne sybailas jemqorlyqqa qarsy küres agenttıgı (qarjy polisiiasy), Bas prokuratura jäne Qazaqstannyŋ ışkı ıster organdary men ışkı äskerlerı ardagerlerınıŋ ūiymynyŋ atynan barlyǧy 60 adam nagradaǧa ūsynylǧan bolatyn. Solardyŋ ışınde II därejelı «Daŋq» ordenımen M.Ahmetjanov, B.Berdalin, A.Djumakeev, M.İsädılov, M.Ysqaqov jäne N.Ormanbetov marapattalsa, II därejelı «Aibyn» ordenıne R.Jambylova, S.Klimchuk, A.Mūqataev, E.Smaǧūlovtar laiyq dep tanyldy.
Al, III därejelı «Aibyn» ordenın J.Baianbaev, B.Moinov, Iý.Novoselsev, Ǧ.Toişybaevtar ielendı. «Erlıgı üşın» medalımen O.Bauken, M.Düisenbaev, E.Nūrǧaliev, «Jauyngerlık erlıgı üşın» medalımen A.Asanbai, D.Gros, Iý.Evdokimov sekıldı azamattar nagradtaldy.
Nūrislam Qūspanǧali