Memlekettık qyzmet ısterı agenttıgınıŋ Astana qalasy boiynşa departamentı jastardyŋ memlekettık qyzmetke tūruyn oŋtailandyru maqsatynda L.Gumilev atyndaǧy Euraziia ūlttyq universitetınde studenttermen kezdesu ötkızdı. Jiynda «Qazaqstan Respublikasynyŋ memlekettık qyzmetı turaly» zaŋyna engızılgen özgerıster talqylandy.
Memleket basşysynyŋ memlekettık qyzmetke kırude artyq kedergılerdı joiu jäne memlekettık qyzmetten şyǧu tärtıbın jeŋıldetu turaly tapsyrmasyna säikes, memlekettık qyzmet turaly zaŋǧa qatysty jaŋaşyldyqtardy Memlekettık qyzmet ısterı agenttıgı Astana qalasy boiynşa departamentınıŋ basşysy Äli Kömekbaev atap öttı.
«Ötken jyldyŋ jeltoqsan aiynda engızılgen tolyqtyrularǧa säikes, endı joǧary oqu oryndarynyŋ tülekterı memlekettık tapsyrys aiasynda konkurstyq ırıkteusız «B» korpusynyŋ keibır tömengı äkımşılık lauazymdaryna jūmysqa ornalasa alady. Onyŋ ışınde jergılıktı komissiialar, ortalyq memlekettık organdardyŋ äkımşılık lauazymdaryna taǧaiyndalady. Oqu ülgerımınıŋ ortaşa baly (GPA) 3,33 baldan tömen bolmaityn jastar joǧary oqu ornyn tämamdaǧannan soŋ bır jyl ışınde memlekettık qyzmetke qabyldanady. Būl bastama bılıktı jastardy memlekettık qyzmetke yntalandyruǧa, jas mamandardyŋ qabıletın arttyruǧa, sonymen qatar öŋırlerdegı kadr tapşylyǧyn azaituǧa septıgın tigızıp, memlekettık qyzmetke kırudı jeŋıldetedı» dedı departament basşysy.
Sondai-aq studentterge «Jas memlekettık qyzmetşıler mektebı» jobasynyŋ jüzege asyryluy jäne Prezidenttık jastar kadrlyq rezervıne ırıkteu barysy turaly aityldy. Kezdesu barysynda bırqatar qatysuşy jastarǧa arnalǧan memlekettık baǧdarlamalardan habarsyz ekenın jasyrmady.
– Joǧary oqu ornyn tämamdaǧan jastar öz mamandyǧy boiynşa täjıribe alu üşın «Jastar täjıribesı» baǧdarlamasyna jügıne alady. Baǧdarlama qatysuşysy atanǧan jastarǧa ai saiyn 107 myŋ teŋge kölemınde tölemaqy berıledı. Osy uaqyt ışınde olar mamandyqtyŋ barlyq qyr-syryn meŋgerıp, ärı qarai jūmys ornyn taŋdai alady, – dedı Ä.Kömekbaev.
Al Euraziia ūlttyq universitetınıŋ äleumettık-mädeni damu jönındegı prorektory Läzzat Nūrqatova būl kezdesu studentterdıŋ bastamasymen ūiymdastyrylǧanyn atap öttı.
Memlekettık qyzmetke studentterdıŋ qyzyqqany sonşa, kezdesude bos oryn bolmady. Jiynǧa qatysqandardyŋ qatarynda oqu ornynyŋ äleumettık jūmys fakultetınıŋ 4-kurs studentı Jansaia Ilesbekova bar.
– Jastar üşın memlekettık qyzmetke ornalasu talaptary jeŋıldedı. Menıŋşe, būl joǧary oqu ornyn tämamdai salysymen täjıribe jinauǧa jaqsy mümkındık bermek. Öz basym 3-kurstan bastap ǧylymmen ainalysyp, memlekettık qyzmetke qyzyǧamyn. Sondai-aq «Jas memlekettık qyzmetşıler mektebınen» üş apta merzımınde bılıktı mamandardan sabaq aldym. Qazırgı taŋda taǧylymdamany sättı aiaqtap jatyrmyn. Bolaşaqta osy salada özımdı körgım keledı, – dedı ol.
Kezdesude kökeide jürgen saualdaryna jan-jaqty jauap alǧan studentterge Memlekettık qyzmet ısterı agenttıgı Astana qalasy boiynşa departamentınıŋ basşysy Äli Kömekbaev oquda sättılık tılep, olardyŋ öndırıstık täjıribeden ötuıne kömek körsetuge daiyn ekenın jetkızdı.
