Memlekettık qyzmet – jauapty ıs
QR Prezidentı Nūrsūltan Nazarbaev «100 naqty qadam» ūlt josparynda memlekettık qyzmetşılerdıŋ etikasy jönınde bırqatar mındetter jüktegenı belgılı.
Memlekettık qyzmetkerlerdıŋ etikasy men özın-özı ūstau mädenietı QR Prezidentınıŋ 2015 jyldyŋ 29 jeltoqsandaǧy Jarlyǧymen bekıtılgen memlekettık qyzmetşılerınıŋ ädep kodeksınde anyq körsetılgen. Al olardyŋ etikasyn, tärtıbın baqylau memlekettık qyzmet ısterı jönındegı uäkılettı organ – Qazaqstan Respublikasy Memlekettık qyzmet ısterı ministrlıgınıŋ Astana qalasy boiynşa departamentıne jüktelgen. Būl mekeme jūrtşylyqtan kelıp tüsken aryz-şaǧymdar boiynşa tekseruler jürgızıp, kınälılerdı tärtıptık jauapkerşılıkke tartady. Jyl basynan berı departament ökılderı Ädep kodeksın būzǧanǧa bailanysty 50-den astam ötınıştı qarastyrdy.
Departament memlekettık qyzmetkerlerdıŋ tärtıbın baqylaumen qatar, olarmen tyǧyz jūmys ıstep, nemket10tı mınez-qūlyqtyŋ, dörekılıktıŋ aldyn alu boiynşa jūmystar jürgızudı dästürge ainaldyrǧan. Sondai-aq, sybailas jemqorlyqqa qarsy ıs-qimyl turaly zaŋnama men ädep normalarynyŋ saqtaluy men oǧan monitoring jürgızudı qamtamasyz etetın Ädep jönındegı uäkıl qyzmetı de engızıldı. Būl halyqtyŋ memlekettık qyzmetşılerge degen senımın arttyrady. Ädep jönındegı keŋes jergılıktı atqaruşy organdardyŋ ädep jönındegı uäkılderdıŋ qyzmetın üilestırıp otyrady.
Astana qalasy äkımdıgınıŋ Ädep jönındegı uäkılı bolyp, Astana qalasy äkımınıŋ keŋesşısı Rahat Bekqadamov taǧaiyndalǧanyn esterıŋızge salamyz.
Eger sız Astana qalasynyŋ memlekettık qyzmetşılerı Ädep kodeksınıŋ talaptaryn būzǧan jaǧdaiǧa kuä bolsaŋyz, bızdıŋ departamentke (Qabanbai batyr köş., 33) nemese 24-80-32 senım telefonyna habarlasuǧa bolady.
Aijan OMARALİEVA,
Memlekettık qyzmet salasyndaǧy
baqylau basqarmasynyŋ basşysy