Elordada turizmdı damytu – basty talaptardyŋ bırı. Osy maqsatta 2008 jyldan berı Esıl özenınde kemeler jüzıp, onymen ainalysatyn «Esıl-Astana» memlekettık kommunaldyq qazynalyq käsıporny qūrylǧan bolatyn.
Esılde keme jürgızu jobasy elordanyŋ turistık tartymdylyǧyn arttyryp, qalanyŋ syrtqy körınısın ajarlandyra tüsu maqsatynan tuyndaǧan.
Oǧan deiın astanalyqtardyŋ eşqaisysy Esıl özenınde keme jüzedı dep oilamaǧany anyq. Barşaǧa mälım, kez kelgen jaŋa ıstı bastau qiyn. Bır jaǧynan būl qala üşın su resurstaryn paidalanudyŋ jaŋa kezeŋı boldy.
Keme jüre bastaǧan alǧaşqy kezderı jalpy syiymdylyǧy 125 oryndyq üş jolauşylar kemesı jūrtşylyqqa seruendık-ekskursiialyq qyzmet körsettı. Onda quattylyǧy 250 at küşı bar bır süiretkış kemesı, bır qūtqaru katerı, jalpy alǧanda, flotta barlyǧy bes bırlık boldy.
Al keme jüretın uchaskesınıŋ ūzyndyǧy 6 şaqyrymdy (Saryarqa köpırınen bastap espelı kanalǧa deiın) qūrady.
Keme jüru kezınde jolauşylardyŋ qauıpsızdıgı erekşe saqtalady. Oǧan arnaiy jaǧdai jasalǧan.
Al qazırgı künı Esıl özenınde 265 adam syiatyn alty jolauşylar kemesı, süiretkış kemesı, qūtqaru kemesı, motorly qaiyq jüredı. Keme jüru jolynyŋ ūzyndyǧy bügınde 9,04 şaqyrymǧa ūzardy.
Jolauşylar kemelerınde Esıl jaǧalauyndaǧy Astanany köru mümkındıgı joǧary jäne adamdardyŋ ornalasu jailylyǧy da talapqa sai. Jolauşylardy otyrǧyzatyn jerde bilet satatyn kassa jūmys ısteidı, qūtqaru qyzmetı de bar.
Esıl özenınde jüzetın kemeler jaily qūlaqtandyru materialdary būqaralyq aqparat qūraldarynda, atap aitsaq, bnews.kz saitynda, Astana qalasy äkımdıgınıŋ saitynda, temır jol vokzaly men teledidar ekrandarynda jarnamalyq rolik, jügırtpe jol retınde, sondai-aq qoǧamdyq kölıkterde ornatylǧan monitorlardan ūdaiy körsetılıp tūrady.
Jūrtşylyq kemeler turaly äleumettık jelılerden de bıle alady. Käsıporynnyŋ Vkontakte, Facebook, Instagram jelılerınde paraqşalary bar. Käsıporynnyŋ öz saitynda da bar.
Kemelerdıŋ qauıpsız jüzuın qamtamasyz etu üşın jyl saiyn jol jūmystary jürgızıledı. Mysaly, navigasiia belgılerın ornatu (alu) jäne qamtamasyz etu. Keme jüretın uchaskede alǧaşqy ret byltyr qosalqy merdıger ūiymdardyŋ küşımen ızdestıru jäne tüptı tereŋdetu jūmystary jürgızıldı.
Esıldegı kemeler – elorda tūrǧyndary üşın özende seruendeuge, qalalyq saiabaqtyŋ tabiǧi äsemdıgıne täntı boluǧa, romantikalyq kezdesu ūiymdastyruǧa, korporativtık nemese otbasylyq şaralar ötkızuge taptyrmas oryn.
Alaida, keme jürgızudı damytudaǧy köptegen jetıstıkterge qaramastan, özen kölıgı salasyndaǧy mamandardyŋ tapşylyǧy qiyndyq tuǧyzyp tūr.Sondyqtan özge öŋırlermen tyǧyz bailanys ornatuǧa tura keledı. Atap aitqanda, Semei Kölık kolledjımen ärıptestık qarym-qatynas ornatylǧan. Keme tūraǧy üşın port, keme jöndeu şeberhanasy, kemelerdı tüsıru jäne köteru üşın auyr kötermelı kran, öndırıstık qyzmetkerler üşın jabdyqtalǧan üi-jai da kürmeulı mäselenıŋ bırı. Bıraq, jūmys barysynda kezdesetın osyndai qiyndyqtarǧa qaramastan, käsıporyn eŋ basty maqsaty Esıl özenı arnasynda tūrǧyndarǧa sapaly servistık jäne mädeni qyzmet körsetuge, keme jüretın jol uchaskesınde kemelerdıŋ qauıpsız jüzudı qamtamasyz etuge airyqşa köŋıl böledı.. Käsıporyn būl, eŋ aldymen – alǧa qoiylǧan jospar, mındet jäne maqsattardy oryndauda öndırıstık prosestıŋ maŋyzdy bölıgın jüzege asyratyn adamdar.
Bügınde käsıporynda 70 adam jūmys ısteidı. Qyzmetkerlerdıŋ käsıbi deŋgeiı joǧary. Basqaru apparaty qyzmetkerlerınıŋ tügelge juyǧy joǧary bılımdı mamandar. Jalpy mamandardyŋ bärınde ortaşa tehnikalyq bılımı men eŋbek ötılderı bar. Olardyŋ köbısı Esıl özenınde keme jüru bastalǧannan berı eŋbek etude. Atap aitsaq, Keme qyzmetınıŋ jetekşısı B.S.Jumin būryn Resei teŋız flotynyŋ ofiserı – ekınşı därejelı kapitan, qazırgı künge deiın Astananyŋ özen flotyn basqarady. E.A.Djakubekov – süiretkış kemenıŋ kapitany. Kün saiyn özennıŋ keme jüru jaǧdaiyn baqylaidy, jol jūmystaryn oryndaidy: navigasiia belgılerın ornatady jäne tüptı tereŋdetu jūmystarynda qatysady.
Z.K.Aldanǧarov – R-118 jolauşylar kemesınıŋ kapitany. Q.M.Erjanov – motorist-mehanik jäne taǧy basqalar.
Käsıporyn qūrylǧan 8 jyl ışınde öz kadrlaryn oqytyp, bılıktılıgın arttyrdy. Osylaişa, kadrlardyŋ tūraqtamauy 48 paiyzdan 3 paiyzǧa azaidy.
Jüzu qūramynyŋ barlyq qyzmetkerlerı alǧa qoiylǧan mındetterdı laiyqty deŋgeide oryndap, elorda tūrǧyndary men qonaqtaryn qauıpsız ärı jaily su kölıgımen tasymaldaudy paryzy sanaidy.
Aldaǧy uaqytqa jospar köp. Keme jüretın su joldarynyŋ sapalylyǧyn arttyru, jolauşylardy tasymaldau kölemın köbeitu, elordanyŋ tūrǧyndary men qonaqtaryna turistık baǧyttardy ūiymdastyruǧa qolaily jaǧdailar jasau, demaluşylardyŋ jeke qauıpsızdıgın saqtau maqsatynda keme jüretın uchaskenıŋ poliseilerdıŋ ünemı qadaǧalauynda boluy sekıldı jūmystar bırte-bırte jüzege asyrylyp keledı.
