23 mausym täuelsız Qazaqstannyŋ memlekettık qyzmetşılerı käsıbi merekelerın atap ötedı. Memlekettık qyzmetşılerdıŋ ärqaisysynyŋ adal jäne tiımdı jūmysy, qorytyndylai kelgende, bızdıŋ memleketımızdıŋ qalyptasuyna jäne damuyna äser etedı. Memlekettık qyzmetşı öz elındegı tıkelei mındetterın oryndaudan basqa, otbasynda, qorşaǧan ortaǧa, adamdarmen ortaq tıl tabysuǧa jäne jan-jaqtyǧa ülgı boluǧa tiıs. Būl – bızdıŋ Elbasymyzdyŋ talaptary. Bügın bız Nūr-Sūltan qalasy boiynşa memlekettık qyzmettegı jas mamandardy, olardyŋ atqaryp jatqan qyzmetterı men jetıstıkterı turaly bölısuge şaqyrdyq.
Esırkep Säken Ziiabekūly, Nūr-Sūltan qalasy Tılderdı damytu jäne arhiv ısı basqarmasy basşysynyŋ orynbasary:
– Men memlekettık qyzmette 8 jylǧa juyq eŋbek etıp kelemın. Alǧaş 2012 jyly Astana qalasy Dın ısterı departamentınde bır jyl jetekşı maman, keiın qalalyq Işkı saiasat basqarmasynda üş jyl bas maman, üş jyl bölım basşysy retınde qyzmet ettım.
2018 jyly tamyz aiynda qalalyq Tılderdı damytu jäne arhiv ısı basqarmasy basşysynyŋ orynbasary bolyp qazırgı qyzmetıme kırıstım. «Ūlt jospary – bes institusionaldyq reformany jüzege asyru jönındegı 100 naqty qadam» baǧdarlamasynda baiandalǧan «meritokratiia qaǧidatyn nyǧaitu» üderısın jeke basymnan ötkerıp kelemın.
Memlekettık qyzmet – eŋ äuelı ülken jauapkerşılık, bılıktılık pen ünemı şyŋdaludy talap etedı. Adam jeke tūlǧa retınde özın-özı tūraqty jetıldırıp, alǧa ūmtylyp otyruy qajet. Būl rette, qai salada eŋbek etsek te, keiın soŋymyzda özımız ūialmaityndai, ülgı bolarlyq ıs qaldyrǧanymyz jön. Qazaqta jiı aitylatyn «nanyŋdy adal tauyp jeu» qaǧidasy osyǧan saiady.
Men memlekettık qyzmetke kelmei tūryp, memlekettık organdardyŋ qyzmetın jiı synaitynmyn. Konstruktivtı syn bar jerde ılgerıleu, damu bar ekenın joqqa şyǧarmaimyn. Bıraq özım memlekettık qyzmetke kelıp, özım synap jürgen salalarda teoriialyq emes, praktikalyq mäselemen ainalysu bıraz mäselege jaŋaşa qyrdan qarau mümkındıgın syilady. Paidaly oidy, sanaly syndy laiyqty ıspen ūştai bılu – ıskerlıktıŋ bır sipaty.
Memlekettık qyzmette jürıp öz ısıne jauapkerşılıkpen qaraityn, bılımdı jäne eŋbekqor azamattarmen köp tanystym. «Ūltqa qyzmet etu – mınezden» dep ūlylarymyz aitqandai, el müddesınıŋ üdesınen şyǧudy aldymyzǧa missiia retınde qoia alsaq, ärkım özı qyzmet etıp jürgen salada üzdık, bılıktı maman bolsa, eldıŋ de keleşegı kemel bolmaq.
Söz soŋynda, barşa ärıptesterımdı käsıbi merekelerı – Memlekettık qyzmetşıler künımen qūttyqtaimyn!
Tastemır Aqūlan Öserūly, «Nūr-Sūltan qalasynyŋ Qoǧamdyq damu ısterı basqarmasy» MM Jastarmen jūmys bölımınıŋ bas mamany:
– Men jastar saiasaty salasyndaǧy memlekettık qyzmetker retınde özıme artylatyn jük pen jauapkerşılıktıŋ joǧary ekenın bılemın. Osyǧan orai boiymdaǧy bar bılımım men täjıribemdı paidalana otyryp, öz mındetımdı adal, abyroimen atqaruǧa tyrysamyn. Sebebı Elbasy N.Ä.Nazarbaev 2019 «Jastar jyly» ekendıgın mälımdedı, sonyŋ aiasynda El bolaşaǧy – jastardy qoldau jäne olardyŋ jan-jaqty damuyna jaǧdai jasauymyz qajet.
Elımızdıŋ barlyq memlekettık qyzmetkerlerın käsıbi merekemen şyn jürekten qūttyqtaimyn. Elımızdıŋ äleuetınıŋ artyp, qaryştap damuy üşın aianbai qyzmet atqaryp, biık belesterdı baǧyndyryp, jetıstıkterge jetulerıŋızge tılektespın.
Serǧazina İnara Maratqyzy, Nūr-Sūltan qalasy Esıl audany äkımı apparatynyŋ personaldy basqaru qyzmetınıŋ basşysy:
– Apparatta jūmys jasaudy universitet bıtırgen soŋ bastadym. Alǧaşqy üş jyl boiy äleumettık sala jäne ışkı saiasat bölımınde kelısımşart negızınde jūmys jasadym. Būl jūmys maǧan täjıribe jinauǧa, jauapkerşılıktı arttyru, şeşım qabyldaudy üirenu, ūqyptylyq, mūqiiattylyq sekıldı qasietterdı damytudy üirettı. Menıŋ oiymşa, jinalǧan barlyq täjıribe test tapsyryp, zor senımmen konkurs boiynşa äŋgımelesuden ötıp, bas maman retınde qabyldanuǧa kömek berdı.
Işkı saiasat jäne ūiymdastyru-baqylau bölımınıŋ bas mamany bolyp jūmys jasai kele, atalǧan memlekettık ūiymnyŋ qyzmetkerlerı arasynda personaldy basqaru qyzmetınıŋ basşysy bos lauazymyna jariialanǧan ışkı konkursqa qatysu şeşımın qabyldadym. Sol uaqyttan berı atalǧan lauazymda qyzmet jasaudamyn. Basyndaǧy qiyndyqqa qaramastan, qazır sol uaqytta basşy qyzmetınde bolu şeşımıme bırde-bır ret ökıngen emespın.
Memlekettık qyzmet baǧa jetpes täjıribeden bölek, özımnıŋ köptegen jeke qasietterımdı damytuǧa, al eŋ bastysy, menı kündelıktı jaqsylyqqa ūmtyldyratyn ärıptester arasynda dostar men tälımgerler tabuǧa kömektestı.
Äigerım Aŋsaǧanova, QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Nūr-Sūltan qalasy boiynşa departamentınıŋ bas mamany:
– Mamandyq taŋdau – ärbır adamnyŋ ömırındegı maŋyzdy şeşımderdıŋ bırı ekenı sözsız. Öitkenı būl taŋdau ömır boiy qandai ıspen ainalysatynyŋyzdy aiqyndap, bolaşaǧyŋyzǧa baǧdar beredı. Ärine, mamandyq taŋdauda är adam özınıŋ qyzyǧuşylyǧyna, qabıletıne, beiımdılıgıne, qalauyna süienu kerek.
Menıŋ bala künımdegı armanym – memlekettık qyzmetşı bolu. Memlekettık qyzmet – būl barlyq memlekettık basqarudy ūiymdastyrudaǧy jetekşı röldı atqaratyn memleket jüiesınıŋ eŋ maŋyzdy tetıkterınıŋ bırı. Kez kelgen qoǧam memlekettık basqarusyz, iaǧni memlekettık qyzmetşılersız äreket etuı mümkın emes. Bilıkke degen senım qazırgı qoǧamnyŋ talaptaryna sai memlekettık qyzmetşıden bastalady.
Bügıngı taŋda atalǧan memlekettık organnyŋ Sybailas jemqorlyqty aldyn alu basqarmasynda qyzmet etudemın. Jemqorlyqpen küres bügınde elımızde memlekettık maŋyzy bar tüitkıldı mäselege ainalyp otyrǧandyǧy şyndyq. Eldıŋ erteŋı üşın, bolaşaq keler ūrpaq aldynda eŋsemızdıŋ bek köterılıp jüru üşın, jemqorlyq ındetımen belsene küresıp, tüp-tamyrymen joiu qajet. Būl – ındet adamzat balasyna jat qasiet. Men qyzmet etetın basqarmada jemqorlyq atty keseldı aldyn alu üşın ärtürlı formattaǧy ıs-şaralar ötkızıledı. Jas memlekettık qyzmetşı retınde memlekettıŋ güldenuıne, atalǧan ındetpen küresu jolynda öz ülesımdı qosyp jürgenımdı maqtanyş köremın.
Öz elımnıŋ güldenu jolynda qyzmet etu men üşın ülken maqtanyş jäne abyroi dep bılemın. Memlekettık qyzmet qaşanda mınsız boluy tiıs. Sebebı eldıŋ erteŋı bızge bailanysty. Bır sözben aitqanda, bilık pen qarapaiym halyq arasyn jalǧaityn altyn köpırge ainaluy tiıstı. Bügınde memlekettık saladaǧy mamandardyŋ bılım-bılıktılıgınen būryn, adamgerşılık asyl qasiet pen ananyŋ sütımen keletın tälım-tärbienı de talap etıletındıgı anyq. Menıŋ oiymşa, memlekettık qyzmetşı tek bılımdı ǧana emes, joǧary moraldyq jauapkerşılık pen öz ısıne degen ädıldık, adaldyq, adamgerşılık qasietterı qaǧidalardy qataŋ ūstanǧanda ǧana eldıŋ erteŋı nūrly bolady.
Barlyq ärıptesterımdı 23 mausym – memlekettık qyzmetşıler künımen qūttyqtap, atqaryp jatqan jūmystaryna tabys, memleketımızdıŋ körkeiuıne bırge ülesterımızdı qosuǧa şyn jürekten tılektespın!
Serık Güljan Serıkqyzy, QR Qarjy ministrlıgı Memlekettık mülık jäne jekeşelendıru komitetı Nūr-Sūltan qalasy boiynşa departamentınıŋ bas mamany:
– Men äkımşılık memlekettık qyzmetke magistraturany bıtırgen kezde, iaǧni 2016 jyldyŋ küzınde keldım. Būl qyzmetke keluıme eşkım de, eşteŋe de sebep bolmady. Men mūny jüregımnıŋ qalauy dep bılemın. Eŋ alǧaş ret Medeu audany äkımdıgındegı ötken bos lauazym ornyna konkursqa tapsyrdym. Şyny kerek, konkurstyq prosestıŋ qalai öterınen müldem beihabar boldym. Özım de daiyndalmaǧandyqtan, konkurstan oŋ nätije almadym. Būl men üşın ülken sabaq boldy. Kelesı joly Almaty qalasy Energetika jäne kommunaldyq şaruaşylyq basqarmasynda ötken bos lauazym ornyna ötken konkursqa bardym. Būl joly mende täjıribe boldy. Men konkurstan oŋ nätije alyp, alǧaş ret äkımşılık memlekettık qyzmetker atandym. Menıŋ memlekettık qyzmetım kadr salasynan bastaldy. Kadr salasyn ärbır organnyŋ jüregı dep bılemın. Sebebı kadr qyzmetkerlerı – QR Zaŋdary bekıtken talappen jūmys ıstei otyryp, bükıl organnyŋ tiımdı jūmys ısteuıne qyzmet ısteitın kadrlardy jinaqtap, organdaǧy jūmys ahualyn qalyptastyratyn bırden-bır sala. Alyp şahar Almatynyŋ bauraiynda ötken jūmysym sapaly qyzmetker retınde qalyptasuyma öz paidasyn tigızbese, ziianyn eş tigızgen emes. Men memlekettık qyzmette jūmys ıstei otyryp, öz oiymdy 180 gradusqa özgerttım. Nege deseŋız, memlekettık qyzmetke kelmes būryn men organdaǧy qyzmetkerlerde jūmys joq dep oilaǧan bolatynmyn. Qūlaqpen estıgenge emes, közben körgenge sen degen sözdıŋ jüz paiyzǧa dūrys ekendıgıne közım jettı. Memlekettık qyzmet – naǧyz qainaǧan qazan ortasy. Memlekettık qyzmet – halyqpen tyǧyz bailanys ornatatyn orda.
Memlekettık qyzmet degen menıŋ tüsınıgımde – Otanǧa qyzmet etu. Jas äkımşılık memlekettık qyzmetker bola otyryp, elımnıŋ alpauyt memlekettermen iyq teŋestıre aluyna qyzmet etıp jürgenıme, özımnıŋ tamşydai bolsyn septıgımnıŋ tiıp jürgenıne quanamyn. Quanyşym özge adamdardy tüsınu, jūmysqa degen mahabbat, mol jauapkerşılıktı sezıne otyryp jūmys ısteu syndy qarapaiym qaǧidalarǧa süiengen. Atalmyş qaǧidalardyŋ barlyǧyn öz qyzmetımnen tauyp ta jürgen janmyn.
Özımnıŋ jäne ärıptesterımnıŋ memleketımızdıŋ örkendeuıne qyzmet etıp jürgendıgı quantady. Memlekettık qyzmetker bolǧanym üşın maqtanamyn. Būl – menıŋ taŋdauym, būl – menıŋ jolym!
Diusembin Erkebūlan Erbolūly, «Nūr-Sūltan qalasynyŋ Qalalyq orta sapasy jäne baqylau basqarmasy» MM gaz inspeksiia jäne kötergış qūrylymdaryn baqylau bölımınıŋ bas mamany:
– Qazırgı qoǧamda jastardyŋ memlekettık qyzmetke degen pıkırı ärtürlı. Köbı jeke käsıpker boludy, öz-özıne jūmys ısteudı nemese alpauyt korporasiialarǧa baryp mol tabys tabudy oilaidy. Men memlekettık qyzmettı taŋdadym. Osylaişa elımızdıŋ igılıgı men müddesıne eŋbek etudı jön kördım. Memlekettık qyzmet, būl – tūraqtylyq, erteŋgı künge degen senımdılık kepılı. Men öz jolymdy, bolaşaǧymdy dūrys taptym dep oilaimyn. Bärıŋe tek sättılık tıleimın!
Qūrmettı ärıptester, jyl saiyn memlekettık apparattyŋ jūmys sapasy jaqsaruda, oǧan qosa memlekettık qyzmetkerge qoiylatyn talaptar da joǧarylauda, sondyqtan barlyǧy bızdıŋ joǧary käsıbilıgımız, janqiiarlyq eŋbek jäne taŋdaǧan ısımızge degen adaldyǧymyzǧa, patriotizm men belsendı azamattyq ūstanymymyzǧa bailanysty. Käsıbi merekelerıŋızben qūttyqtai otyryp, Sızderge zor densaulyq, otbasy amandyǧyn jäne käsıbi ösu tıleimız!
Izgı tılekpen, Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Nūr-Sūltan qalasy boiynşa departamentı.
