Bügınde qazaq jurnalistikasynda «mektep körgen» derlık zamandastarymyz sirek. Keiıngı jastardyŋ denınde «täjıribe» degen ırgetas qalanbaǧan. Al elordalyq «Astana aqşamy» gazetı – men üşın ötken ülken mektep!
2001 jyly ūlttyŋ tuyn da, sözın de ūstaǧan qyraǧy qyrandar mekenı – Torǧai dalasynan kelıp, L.Gumilev atyndaǧy Euraziia ūlttyq universitetınıŋ jurnalistika bölımıne oquǧa tüstım. Sol jyly jergılıktı «Astana aqşamy» gazetınde özımnen bır kurs joǧary oqityn Arman Asqarov pen Saiagül Jarylqasynnyŋ şaǧyn aqparattary men möltek oilary jiı jariialanyp tūratyn. Kafedra oqytuşylary ekınşı kurstyŋ sol ekı «betkeūstaryn» äjeptäuır maqtan tūtyp jürdı. Sodan men de özımnıŋ «jurnalist bolyp tuǧanymdy» däleldeu üşın bırınşı kursta elordadaǧy ekı-aq qazaqşa basylym – qalalyq «Astana aqşamy» men oblystyq «Arqa ajaryna» erkın taqyryptaǧy maqalalar men aqparattardy nömır saiyn jaza berdım. Tıptı, Arman men Saiagülden asyp tüsu maqsatynda oǧan saualnama, blis-sūhbat degendei janrlardy qosyp qoidym.
«Aqşamdyq» Erenǧaiyp Quataiūly, Tölen Tıleubai, Qymbat Toqtamūrat, keide bas redaktor Maǧjan Sadyhanūlynyŋ özı de erkın taqyrypta jazuǧa bıraz tapsyrma berıp tūrdy. Sūraǧandaryn aitqan uaqytynda äkep tastai berdım. Söitıp bır jyl synaǧan soŋ, iaǧni 2-ınşı kursta oqyp jürgenımde Maǧjan Sadyhanūly menı gazetke jarty ailyqqa jūmysqa qabyldady…
Sonymen ne kerek, būl gazette Maǧjan Sadyhanūlynyŋ redaktor kezınde ketıp qalyp, onyŋ ornyna Nūrtöre Jüsıp kelgende, odan ketıp, Amantai Şärıp basqarǧanda, sodan keiıngı tızgındı Erbolat Qamen ūstaǧanda, qysqasy, tört redaktordyŋ tūsynda tört märte kelıp, tılşı, bölım meŋgeruşısı qyzmetterın atqardym. Är jyldardaǧy tıgındısınde özındık qoltaŋbam bar.
Jalpy, «Astana aqşamy» gazetı – menıŋ jurnalistika biıgıne köz tıgerde aŋdap basqan alǧaşqy satym. Universitette Aqseleu Seidımbektıŋ şäkırtı bolsam, qyzmette osy basylymnyŋ arqasynda Nūrtöre Jüsıp, Bauyrjan Omarov, Maqsot Izımūly degen «sen tūr, men ataiyn» sözmergenderdıŋ qolastynda şyŋdaldym. Qazırgı qazaq jurnalistikasynda aty-soiy bar köptegen ärıptestermen tanystym. «Aqşamda» qalanǧan ırgetas myqty bolǧandyqtan, «aqşam bar» degen kez kelgen qalamgermen iyq teŋestırıp, üzeŋgı qaǧystyra jürıp söilese alamyn.
«Astana aqşamy» gazetınen soŋ respublikalyq «El», «Nūr Astana», «Qazaqstan», «Ana tılı», «Ūlt times», «Qazaqiia», «Saqşy», «Polisiia.kz» basylymdarynda, Qazaq radiosynda, «Taŋ» telearnasynda, Skifnews.kz portalynda tılşılıkten bas redaktorlyqqa deiıngı barlyq satydan ötıp, jurnalistikanyŋ barlyq salasyn erkın meŋgerıp aldym desem de, «qyzdyŋ betın kım aşsa, sol ystyq» qoi. Demek, elordalyq basylymnyŋ mereitoiy qarsaŋynda keude kerıp tūryp aita alatyn bır auyz söz: būl – menıŋ mektebım!
Erkeǧali BEISENOV,
Skifnews.kz aqparat
portalynyŋ bas
redaktory
