Erteŋ ūstazdardyŋ käsıbi merekesı – Mūǧalım künı. Mektep jüregıne balanǧan mūǧalımder merekesıne orai keşeden berı astanalyq ūstazdar qauymyna qūrmet körsetılude. Bügıngı taŋda elordanyŋ bılım beru mekemelerınde 17 myŋnan asa pedagog qyzmet etedı. Nūr-Sūltan qalasynyŋ äkımı Altai Kölgınov astanalyq üzdık ūstazdarǧa 40 million teŋge kölemınde qarjylyq syiaqy berdı.
Alǧaş ret qala basşysy atynan «Nūr-Sūltan qalasynyŋ qūrmettı pedagogy» medalınıŋ iegerlerıne 833 myŋ teŋge tölenedı. Sonymen bırge bırqatar oqu ornyna 9 mln teŋgeden äkım granty berıldı.
Qala äkımı Altai Kölgınov ūstazdardy käsbi merekesımen qūttyqtap, olardyŋ qyzmetıne tabys tıledı. «Elordada jyl saiyn oqu oryndaryn salyp jatyrmyz. Biyl salynǧan mektepter sany ötken jylmen salystyrǧanda ekı esege artyq. Osy jyly 12 mektep salyndy. Kelesı jyly taǧy sonşa mektep salynady. Oqu oryndaryn zamanaui jabdyqtarmen jabdyqtap, innovasiialyq tehnologiialardy engızemız. Memleket basşysy «pedagog märtebesı turaly» zaŋǧa qol qoidy. Osy jyldyŋ 1 qaŋtarynan bastap pedagogtardyŋ jalaqysy 25 paiyzǧa, odan ärı 2024 jylǧa deiın taǧy da 25 paiyzǧa ösedı. Ötken jyly bız tūrǧyn üi satyp alu üşın äleumettık järdemaqy türınde 1 mln teŋge kölemınde 275 tūrǧyn üi sertifikatyn öteusız negızde böldık. Biyl da ūstazdarymyzǧa tūrǧyn üi jaǧdaiyn jaqsartuǧa kömektesemız. Qazaqstandyq ipotekalyq kompaniiamen bırlesıp 1 myŋ äleumettık päter beremız. Būl päterler mūǧalımderge, äleumettık qyzmetkerlerge, polisiia qyzmetkerlerıne, därıgerlerge, ört söndıruşılerge, mädeniet jäne sport qairatkerlerıne berıledı. Tülekterge de qoldau körsetıledı. Mamandyqty tegın oquǧa 900-ge juyq grant bölındı. Qabyldanyp jatqan şaralar jūmys üşın neǧūrlym qolaily jaǧdai jasauǧa jäne balalardyŋ sapaly bılım alyp, bäsekege qabılettı boluyna baǧyttalǧan. Sızdıŋ qajyrly eŋbegıŋız üşın alǧys aitamyn!» dedı Kölgınov.
Elordalyq pedagogtarǧa «Halyq alǧysy», «Eŋbek ardagerı» medaldary, «Qazaqstan Respublikasynyŋ Bılım beru ısınıŋ qūrmettı qyzmetkerı» jäne Bılım jäne ǧylym ministrlıgınıŋ «Y.Altynsarin» tös belgılerı, gramotalar jäne t.b. tabys etıldı.
