2016 jyly QR Täuelsızdıgıne 25 jyl toldy. Täuelsızdıktıŋ 25 jyldyǧyna arnalǧan deklarasiia qabyldandy. Astanada «Beibıtşılık pen kelısımnıŋ 25 jyly» atty festivalı, mäjılıs deputattarynyŋ kezekten tys sailauy öttı. Būl jyly jaŋa jer reformalary boldy. Elordanyŋ ǧana emes, eldıŋ äleuetın köteretın öndırıs oryndary aşyldy. Mädeni-ruhani qūndylyqtar därıpteldı. Osyndai el bederındegı eleulı oqiǧalar basylym betınde jaryq kördı.
TÄUELSIZDIKKE TARTU
2016 jylǧy basylymnyŋ tarihi erekşelıgı – el täuelsızdıgınıŋ 25 jyldyǧyn tereŋnen qozǧaǧan. «Täuelsızdıkke tartu» aidarymen sikldı maqalalar jariialanyp otyrǧan. Sondai-aq mereilı mereke astanadaǧy «Saryarqa» respublikalyq velotregınde Memleket basşysy Nūrsūltan Nazarbaevtyŋ qatysuymen el Täuelsızdıgınıŋ 25 jyldyǧyna arnalǧan Qazaqstan halqy Assambleiasy etnomädeni bırlestıkterınıŋ EKSPO qalaşyǧynda Täuelsızdıktıŋ 25 jyldyǧyna arnalǧan monument aşyldy. Eŋbegı sıŋgen azamattarǧa «Qazaqstan Täuelsızdıgıne 25 jyl» tösbelgısı tabystaldy. Täuelsızdık merekesındegı osyndai maŋyzdy şaralar basylym betınen oiyp oryn aldy.
SAILAU ÖTKEN JYL
Būl jyly QR Parlamentı Mäjılısınıŋ kezekten tys jäne türlı deŋgeidegı mäslihat deputattarynyŋ kezektı sailauy öttı. Parlamentke «Nūr Otan», «Aq jol», «QKP» partiialarynyŋ ökılderı öttı. Būl Qazaqstan tarihyndaǧy jetınşı parlamenttık sailau edı. Mäjılıs töraǧasy Nūrlan Nyǧmatullin boldy. Būǧan deiın ol Prezident äkımşılıgınıŋ basşysy qyzmetın atqarǧan. Astana qalalyq mäslihatynyŋ deputattaryn sailau 25 okrug boiynşa jürgızılıp, 56 ümıtker sailauǧa tüsken. Basylymnyŋ keiıngı nömırlerınde sailanǧan deputattardyŋ jūmys barysy da jariialanyp otyrdy.
JER REFORMASY
2016 jyl el taǧdyry – jer taǧdyry synǧa salynǧan jyl boldy. Būl jyl jaŋa jer reformalary boldy. Elbasy Nūrsūltan Nazarbaev Jer kodeksıne 2021 jyldyŋ soŋyna deiın tüzetuler engızuge 5 jyl moratorii jariialady. Sonymen qatar jer reformasyna qatysty respublikalyq komissiia qūryldy.
ALǦYS AITU KÜNI
1 nauryzda tūŋǧyş ret alǧys künı merekelendı. Memleket basşysy Nūrsūltan Nazarbaevtyŋ Jarlyǧymen bekıtılgen Alǧys aitu künı merekesı elımızde bırınşı ret toilanyp, elorda oquşylary men etnomädeni bırlestık müşelerı merekenı Ūlttyq muzeide keŋınen atap öttı.
ISKERLIK KEZDESULER
2016 jyl elorda basşysynyŋ ıskerlık kezdesulerımen de este qaldy. RF Penza oblysynyŋ gubernatory İvan Belozersev bastaǧan delegasiianyŋ keluı ekı jaqty sauda-ekonomikalyq jäne äleumettık-mädeni qarym-qatynastardy damytu mäselelerı talqylansa, Sochi qalasynyŋ merı Anatolii Pahomovtyŋ keluı turistık tartymdylyǧyn arttyrudy közdeitın özara yntymaqtastyq ornatu jäne osy salady täjıribe almasu turaly kelısım jasauǧa negız bolǧan. Būl jyly Cheliabı oblysynyŋ Astanadaǧy künderı, sondai-aq täuelsızdıktıŋ 25 jyldyǧy aiasynda Mäskeude Astananyŋ künderı öttı. Osyndai resmi şaralar basylym betıne arnaiy taqyryptarmen jariialanyp otyrǧan.
BŪRYMDYLAR JEŊIS TUYN KÖTERDI
2016 jyl astanada bokstan äielder arasyndaǧy älem chempionaty öttı. Būrymdy boksşylardyŋ bairaqty bäsekesınde qazaq arulary 4 altyn, 2 qola medal oljalap, Qazaqstan qūramasy komandalyq esepte bırınşı oryndy ielendı. Būl būryn bolmaǧan tolaǧai jetıstık delıngen maqalada.
TŪRMYSQA QAJETTI TAUARLAR
2016 jyldyŋ 1şıldesınde Astanada «Ipek Kagit Central Asia» JŞS-nıŋ sanitarlyq-gigienalyq jäne tūrmysqa qajettı qaǧaz önımderın öndıru zauytyn ıske qosty. Zauyt jūmysy industrialdy-innovasiialyq damudyŋ memlekettık baǧdarlamasynyŋ ıske asyruǧa arnalǧan jalpyūlttyq teleköpırde tanystyryldy. Oǧan Memleket basşysy Nūrsūltan Nazarbaev qatysty. Serıktestık jylyna 16400 tonna önım şyǧarady delıngen. Käsıporynnyŋ direktory Fatih Dyryktıŋ aituynşa, sol jyly zauytta 53 adam jūmyspen qamtylǧan. Zauytta şyǧarylǧan önımder otandyq sūranysty ǧana ötep qoimai, alys-jaqyn şetelderge de eksporttalatyny aitylǧan.
BIREGEI KOMBİNAT
2016 jyly elordadaǧy İndustrialdy park aumaǧynda «GLB» üi qūrylysy kombinaty aşyldy. Būryn-soŋdy Qazaqstanda osy salamen ainalysatyn tolyq sikldy bırde-bır zauyt bolmaǧan. Jaŋa nysannyŋ basty erekşelıgı de sonda deidı avtor.
BALAMASY JOQ BILIM ORDASY
2016 jyl bederınde elımızdıŋ jäne elorda tarihynda mädeni-ruhani şaralar köp boldy. Sonyŋ bırı – Astanada Orta Aziia boiynşa balamasy joq oqu ordasy Qazaq ūlttyq horeografiia akademiiasynyŋ aşyluy. Būl jerde ūlttyq balet pen bi şeberlerınıŋ jaŋa şoǧyry oqyp-tärbielenedı. Mūnda qazaqstandyq salt-dästür damyp, älemdık deŋgeidegı bi önerın damytuǧa jaŋaşa qadamdar jasalatyn bolady. Ūlttyq horeografiia akademiiasy – bızdıŋ elımızde ǧana emes, bükıl Ortalyq Aziia elderındegı osy ülgıdegı alǧaşqy joǧary oqu orny. Onda qazaqstandyqtarmen bırge şet elderdıŋ şyǧarmaşyl daryndy jastary oqityny aitylǧan.
ASTANA-TRİATLON – EREKŞE PARK
2016 jyly elordada erekşe sport nysany – Astana-Triatlon parkı aşyldy. Sport keşenınde Strit vorkaut alaŋqaiy, balalarǧa arnalǧan alaŋdar, tennis korty men jeŋıl atletikalyq manej aşu da josparlanǧan.
Atşaptyrym alqapty alyp jatqan sport nysany salauatty ömır saltyn qoldaityndar üşın tamaşa tartu boldy. Mūndai sport nysany tek qana elımızde emes, TMD elderı boiynşa tūŋǧyş aşylyp otyrǧanyn atap ötken jön.
