Qalalyq mäslihattyŋ mäjılıs zalynda qūrmettı eŋbek ardagerı, Astana qalasy mäslihatynyŋ I, II jäne III şaqyrylymdarynyŋ deputaty, II şaqyrylymnyŋ hatşysy bolǧan Vera Lukianestı 80 jyldyǧymen qūttyqtau saltanaty öttı.
Mereitoiǧa arnalǧan saltanatty räsımdı qalalyq mäslihattyŋ töraǧasy Erlan Kanalimov qūttyqtau sözben aşty.
– Azamattarymyzdyŋ ömırı men densaulyǧy üşın kürese jürıp, sanaly ǧūmyryn osynau igılıktı ıske arnaǧan qūrmettı Vera Grigorevna! Qatysuşylar atynan sızge alǧysymdy bıldıremın. Sız öz bılımıŋız
ben täjıribeŋızdı bılıktı medisinalyq kömekke mūqtaj adamdarǧa arnai otyryp, medisina qyzmetkerlerınıŋ bırneşe buynyn – joǧary bılıktı därıgerlerdı tärbielei aldyŋyz. Käsıbi mındettermen
qatar qoǧamdyq jūmystarmen de belsendı ainalysqanyŋyzdy atap ötkım keledı. Sız qalalyq mäslihattyŋ I-III şaqyrylymynyŋ deputaty, sondai-aq qalalyq mäslihatty basqarǧan jalǧyz ärı bırınşı äiel hatşy
bolyp qala beresız, – dedı Erlan Kanalimov.
Ekonomikalyq daǧdarys jyldarynda Vera Lukianes zeinetkerler men mügedekterge arnalǧan qaiyrymdylyq oqu-sauyqtyru ıs-şaralaryn ötkızdı. 1990 jyly Ükımettıŋ tapsyrmasy boiynşa ol Qazaqstandaǧy alǧaşqy şaruaşylyq eseptegı konsultativtık-diagnostikalyq emhana qūryp, ekı jyldan keiın ony «Dästürlı jäne halyqtyq medisina ortalyǧy» etıp özgerttı. Dästürlı medisinanyŋ barlyq
ädısın igergen bılıktı maman emdeu ortalyǧyn zamanaui medisinamen bırıktırgenın, onyŋ QR Densaulyq saqtau ministrlıgınen emşılerge ümıtkerlerdı synaqtan ötkızu üşın baza bolǧany, köptegen jyl
boiy osy ortalyqta ǧylymi-zertteu jūmysy jürgızılgenı jaily aita kele, mäslihat töraǧasy mereitoi iesınıŋ Qazaqstanda, Reseide, Ukrainada, İspaniiada, İzrailde, AQŞ-ta, Avstraliiada ötken halyqaralyq konferensiialarda söz söilep, öz nätijesımen bölıskenın atap öttı. Odan soŋ Astana qalasynyŋ tūŋǧyş
äkımı Ädılbek Jaqsybekovtıŋ mereitoi iesıne arnaǧan qūttyqtau hatyn oqyǧan Erlan Kanalimov mereitoi iesıne VIII şaqyrylymdaǧy mäslihat deputattarynyŋ atynan gül şoqtarymen bırge estelık syilyq tapsyrdy.
Qoǧam aldyndaǧy eŋbegı üşın Vera Grigorevnanyŋ esımı «Qazaqstan Respublikasynyŋ Altyn kıtabyna»,
«Elordanyŋ 100 tūlǧasy» almanahyna, «Qazaqstannyŋ 100 äiel tūlǧasy» kıtabyna endı. 2016 jyly Qazaqstan Respublikasy Ūlttyq biznes-reitingı ūiymdastyru komitetınıŋ «Erekşe jeke jäne käsıbi
qasietterı üşın» şeşımımen «Sezımtal jürek» medalımen marapattalǧany turaly eks-deputattyŋ ärıptesterı jyly estelıkterımen bölıstı. Būl rette 1994 jyldan 1999 jylǧa deiın Aqmola qalasy mäslihatynyŋ I şaqyrylymynyŋ hatşysy qyzmetın atqarǧan, köp jyl boiy osyndaǧy ırı käsıporyndarda basşy bolyp jūmys ıstegen Aleksandr Minorov, sondai-aq är jyldarda deputat bolǧan ärıptesterı Marat Amanbaev, medisina ǧylymdarynyŋ doktory, professor, Qazaqstan Respublikasynyŋ eŋbek sıŋırgen qairatkerı, 2000-2006 jyldary qalalyq Densaulyq saqtau departamentın basqarǧan Mäjit Şaidarov, eŋbek ardagerı, «Ädılet» tūtynuşylar qūqyǧyn qorǧau qorynyŋ töraǧasy Erkın Tompiev, Qazaqstan halqy assambleiasy töraǧasynyŋ orynbasary bolǧan Iýsup Keligov, Astana qalasy Qoǧamdyq densaulyq saqtau basqarmasynyŋ basşysy Äliia Rüstemova jäne «Dästürlı jäne halyqtyq medisina ortalyǧynyŋ» medisinalyq mäseleler jönındegı jetekşısı Rauşan Quanyşbaeva ystyq yqylasyn bıldırdı. Jyly qūttyqtaulary men tılekterı üşın ärıptesterıne şyn jürekten alǧys aita kele, Vera Lukianes olarǧa ızgı tılegın jetkızdı.
