Erkeǧali Rahmadiev atyndaǧy Memlekettık akademiialyq filarmoniiada Mädeniet jäne öner qyzmetkerlerı künınde salaǧa eŋbek sıŋırgen önerpazdar elorda äkımdıgı atynan marapattaldy.
Mädeniet salasyndaǧy qyzmetkerlerdı jemıstı eŋbegı üşın marapattauǧa arnalǧan saltanatty jiynǧa Astana qalasy äkımınıŋ orynbasary Eset Baiken men qalalyq mäslihat töraǧasy Erlan Kanalimov arnaiy qatysty. «Örkeniettı ūlt, eŋ aldymen, tarihymen, önerımen, älemdık mädeniettıŋ altyn qoryna qosqan ülesımen tanylyp, baǧalanady. Mädeniet jäne öner maitalmandaryn qala äkımı Jeŋıs Qasymbektıŋ atynan käsıbi merekelerımen qūttyqtaimyn! Qazırgı taŋda Astanada 46 mädeni mekeme jūmys ısteidı. 5 myŋǧa juyq qyzmetker mädeniet salasynyŋ damuyna, ruhani bailyǧymyzdyŋ eselene tüsuıne ölşeusız üles qosuda. Ainalasyn dumanǧa bölei bıletın san qyrly talant ielerı – ruhani jan düniesı bai, önerge berılgen azamattar. Merekelerıŋız qūtty bolsyn! Halyq nazaryna ūsynar tuyndylaryŋyz mol bolsyn! Sarqylmaityn şabyt, öner jolynda şyǧarmaşylyq tabys, şaŋyraqtaryŋyzǧa baq-bereke tıleimın!» dedı öz sözınde E.Baiken.
Astana qalasy boiynşa 3 qyzmetkerge Qazaqstan Respublikasy Mädeniet jäne aqparat ministrı Aida Balaevanyŋ atynan «Eŋbek ardagerı» medalı tabystalsa, 14 qyzmetkerge «Mädeniet salasynyŋ üzdıgı» tösbelgısı, 12 qyzmetkerge «Qūrmet gramotasy» jäne 15 qyzmetkerge alǧys hat tabystaldy. 32 qyzmetker Astana qalasynyŋ äkımı Jeŋıs Qasymbektıŋ alǧys hatymen, 14 qyzmetker Astana qalasy äkımınıŋ orynbasary Eset Baikennıŋ alǧys hatymen, 6 qyzmetker Astana qalasy mäslihatynyŋ töraǧasy Erlan Kanalimovtyŋ alǧys hatymen marapattaldy. «Biyl mäslihat deputattary qalalyq äkımdıkpen bırlesıp, mädeniet nysandaryn jöndeu men saludy, jalaqyny arttyrudy, kıtaphana jüiesın jaŋǧyrtudy közdeitın aldaǧy 3 jylǧa arnalǧan «Mädeniet salasyn damytudyŋ keşendı josparyn» äzırlep, bekıttı. Halyqtyŋ mädeni damyp, ruhani jaŋǧyruy baǧytynda küş salyp kele jatqan öner ielerıne qūrmet qaşanda joǧary. Käsıbi merekelerıŋızben qūttyqtai otyryp, bas qalamyzdyŋ mädenietı men önerın örıstetu, ūlttyq mädeni mūramyzdy älemge tanytu jolyndaǧy eŋbekterıŋızge şyǧarmaşylyq tabys tıleimın!» dedı qalalyq mäslihat töraǧasy. Merekelık jiyn konserttık baǧdarlamamen jalǧasyp, keşte halyqaralyq baiqaulardyŋ laureattary Altynbek Arystanbek, Äkımhan Mäjenov, «Şalqyma» halyq bi ansamblı öner körsettı.
