Mereke küngı bereke
Nūr-Sūltan qalasynda Tūŋǧyş Prezident künı merekesınde 100-den asa äleumettık sala qyzmetkerı päter kıltterın aldy. Būl turaly qala basşysy Altai Kölgınov instagram paraqşasynda jazdy.
«Atalǧan päterlerdı qazaqstandyq ipotekalyq kompaniiasymen bırlesıp, jyldar boĭy kezekte tūrǧandarǧa berdık. Būl baǧdarlama aiasynda 1 myŋǧa juyq päter beru josparlanyp otyr. 350-den astamy berıldı, bügın öz päterlerıne 100-den astam otbasy kırdı.
Būǧan deĭın QİK äleumettık päter aluşylar sanatyn edäuır keŋeĭttı, tızımge medisina qyzmetkerlerı men mūǧalımderden basqa äleumettık qyzmetkerler, Tötenşe jaǧdaĭlar departamentınıŋ, polisiia departamentınıŋ qyzmetkerlerı, mädeniet jäne sport qaĭratkerlerı kırdı. Olardyŋ köpşılıgı koronaviruspen küreste aldyŋǧy şepte, adam ömırın saqtap, balalarymyzdy oqytyp, qalada qauıpsızdıktı qamtamasyz etedı.
Būl tūrǧyn üĭ baǧdarlamasy basqalardan erekşe. Bastapqy jarna qajet emes, päterdı satyp aluǧa bolady, jaldau aqysy bır şarşy metr üşın 1455 tg qūraĭdy. Memleket basşysynyŋ tapsyrmasyna säikes biyl qoljetımdı jeŋıldıktı tūrǧyn üi qūrylysynyŋ kölemı ūlǧaityldy. Aldaǧy uaqytta bırneşe üidıŋ kıltterı tapsyrylady!» dep jazdy Altai Kölgınov.