El mereiın asqaqtatqan Respublika künı qarsaŋynda elordalyq oquşylar da qala deŋgeiınde atqarylyp jatqan şaralardan şet qalmady. Mäselen, Astana qalasy Saryarqa audanyna qarasty jalpy orta bılım beretın mektepterdıŋ şäkırtterı mereke aiasynda ūlttyq önerdı ūlyqtauǧa üles qosyp, önerın paş ettı.
Äl-Farabi atyndaǧy Oquşylar saraiynda «Kümbırlegen dombyra» taqyrybymen ötken şarada daryndy da talantty jas önerpazdar bır mezette küi atasy Qūrmanǧazynyŋ «Balbyrauyn» küiın oryndady. Ǧimarat ışın erekşe küige bölegen 100 oryndauşynyŋ būl bastamasy elımızge degen ūlaǧat, biyldan bastap qaita toilana bastaǧan ūlyq merekege degen qūrmet dep bılemız.
San ǧasyrlyq tarihy bar halqymyzdyŋ mädeni mūrasyn ūlyqtau arqyly öskeleŋ ūrpaqty ūltjandylyqqa, Otanyn qasterleuge baulyp kelemız. Memleket basşysy Qasym-
Jomart Toqaev ärdaiym jastardyŋ tolyqqandy bılım aluyna, ruhani jetılıp, jaŋa qoǧamda bäsekege qabılettı boluyna airyqşa män berıp keledı. Sondyqtan bügıngı şarada Qūrmanǧazynyŋ küiın naqyşyna keltırıp oryndaǧan būl şäkırtterımız bolaşaqta da «Jaŋa Qazaqstannyŋ» damuyna öz ülesın qosyp, ata-baba mūrasyn ardaqtap ötetınıne senımım mol.
Jūldyz NAIMANBAEVA,
Ä.Marǧūlan atyndaǧy №40 mektep-liseiınıŋ mūǧalımı
