Astanada belgılı aqyn, QR Mädeniet qairatkerı Marfuǧa Bektemırova tūrǧan üige eskertkış-taqta ornatyldy.
Ömırden erte ötken qalamgerdıŋ eskertkış-taqtasy Abylaihan daŋǧyly, 49/3 mekenjaiynda ornatyldy. Būl üide jazuşynyŋ qūndy eŋbekterı ömırge kelgen edı.
Eskertkış-taqtany aşu saltanatynda Astana qalasy mäslihatynyŋ hatşysy Erlan Kanalimov aqqan jūldyzdai dünieden erte ketken aqynnyŋ şyǧarmaşylyq joly halyq jadynan ūmytylmaitynyn atap öttı.
– Marfuǧa apaiymyz qamşynyŋ sabyndai qysqa ǧūmyrynda eldık mäselelerge belsene aralasyp, tamaşa öleŋder şyǧarumen qatar publisistika janrynda da özındık qoltaŋbasyn qaldyra bıldı. Şyǧarmalary qazaq poeziiasynyŋ üzdık tuyndylarynyŋ qatarynan oryn aldy. Byltyr elorda törınde aqyndy eske aluǧa arnalǧan ädebi keş ötıp, öleŋder jinaǧy jaryqqa şyqqan bolatyn.
Qazaqta «Jaqsynyŋ aty, ǧalymnyŋ haty ölmeidı» degen danalyq bar. Aǧa buyndy ūlyqtau, olardyŋ qūrmetıne eskertkış ornatu, memorialdyq taqta aşu – bızdıŋ olarǧa degen şynaiy qūrmetımız ben ystyq ıltipatymyzdyŋ körınısı. Özınıŋ küş-quaty men bılımın tuǧan elınıŋ igılıgıne jūmsaityn asyl azamattardy ūlyqtau ısı aldaǧy uaqytta da jalǧasa bermek, – dedı E.Kanalimov.
Būqara aqynnyŋ qazaq poeziiasyna tyŋ tynys, şalqar şabyt äkelgenın jarysa aitty. Solardyŋ bırı – 6 jyl Marfuǧa Bektemırovamen jurnalistikanyŋ qara şaŋyraǧy – Qazaq ūlttyq universitetınde bırge bılım alǧan beldı prozaşy, jurnalist Älıbek Asqar erekşe estelıkterımen bölısıp, aqynnyŋ şyǧarmalaryn qazaq ädebietıne qosylǧan körkem dünieler dep atap öttı.
Qalamger qauym men ädebiet süier oqyrman qatysqan jiyn barysynda QR Oqu-aǧartu vise-ministrı Ǧani Bektaiūly, Amanat partiiasy Astana qalalyq filialynyŋ atqaruşy hatşysy Berık Jakenov, Qazaqstan Jazuşylar odaǧynyŋ hatşysy Däuletkerei Käpūly, Aqmola oblysy Mädeniet basqarmasynyŋ basşysy Aigül Säbitova men özge de ziialy qauym ökılderı söz söiledı.
