Elorda därıgerlerı qala tūrǧyndaryn täuelsızdık künımen qūttyqtady.
Irgesı ötken ǧasyr basynda qūrylǧan Nūr-Sūltan qalasy äkımdıgıne qarasty №1 köpbeiındı qalalyq auruhana – bügınde joǧary mamandandyrylǧan medisinalyq kömek körsetetın ortalyq. Auruhanada älemnıŋ ırı klinikalarynda oqyǧan käsıpqoilar komandasy täulık boiy eŋbek etedı. «Täuelsızdık bızge oŋailyqpen kelgen joq. Ony bärımız bılemız. Būl – ata-babalarymyzdyŋ san jyldar boiǧy armany. Azattyqqa jetu jolynda olar jandaryn pida ettı. Sondyqtan täuelsızdık ūǧymy bızge asa qasterlı. Barlyqtaryŋyzǧa mereke qūtty bolsyn! Otbasylaryŋyzǧa amandyq, ısterıŋızge sättılık tıleimız! Elımız aman, jūrtymyz tynyş bolsyn!» dedı atalǧan auruhana bas därıgerınıŋ orynbasary Baqytjan Abdullaev.
