Ministrler batyrlar jyryn bıle me?
Äleumettık jelı arqyly oqiǧa qazır tez taraityny mälım. Keşe «Qazaqstan» RTRK» AQ basşysy Erlan Qarin «Alpamys batyr jyrynan» şaǧyn üzındı oqyp, feisbuktegı paraqşasyna salypty. Mūny jelıde batyrlar jyryn jatqa aitudan ötıp jatqan «Tūlpar mınıp, tu alǧan» ūlttyq jobasyn qoldau maqsatynda jariialaǧanyn aitqan. Estafetany belgılı jurnalist, Jambyl oblysy äkımdıgınıŋ Işkı saiasat basqarmasynyŋ basşysy Berık Uäliden qabyldapty.
Jyrdan üzındı oqyǧan soŋ Erlan Qarin jazbasyn «Elımızdıŋ köneden kele jatqan mūrasyn men de aityp berdım. Endıgı estafetany ūlttyq önerımızdı ärdaiym qoldap, nasihattap jürgen Aqparat jäne kommunikasiialar ministrı Däuren Abaevqa joldaimyn» dep aiaqtapty.
Ūrpaq tärbiesıne ülesı de, yqpaly da mol batyrlar jyrlaryn osyndai aituly azamattar äleumettık jelı arqyly nasihattap, igı ıske bırın-bırı tartyp jatqany quantqany ras. Bız, älbette, Aqparat jäne kommunikasiialar ministrınıŋ būl synnan sürınbeitınıne senemız. Alda-jalda Däuren Abaev estafetany özımen Ükımette iyq teŋestırıp jürgen ärıptesterı – Bılım jäne ǧylym ministrı Erlan Saǧadievke, Qorǧanys ministrı Nūrlan Ermekbaevqa nemese Eŋbek jäne halyqty äleumettık qorǧau ministrı Mädina Äbılqasymovaǧa iaki Ädılet ministrı Marat Beketaevqa joldasa, olar qazaq ruhani mūrasynyŋ tuyn jelbıretıp, abyroi biıgınen körıne alar ma edı?
El aldynda jürgen atqamıner azamattarymyz batyrlar jyryn bıle me? Adamdy eŋbeksüigıştıkke, ädılettılıkke, batyrlyqqa, keŋdıkke, bılımpazdyq pen köregendıkke – jalpy biık azamattyqqa ündeitın ūlttyq ruhani mūralarymyzben olar özı tanys pa?
Estafeta özıne joldansa, özge ministrler qaiter eken? Ministrler «Tūlpar mınıp, tu ūstasa» el ışındegı bedelı aspandap ösetını aqiqat. Öskeleŋ ūrpaq olardy önege tūtar edı…