Qalalyq Bılım basqarmasynda mūǧalımderdı jataqhanaǧa ornalastyruǧa arnaiy qūrylǧan komissiianyŋ alǧaşqy otyrysy boldy.
Bügınde şahardaǧy Qosşyǧūlov köşesınıŋ boiyndaǧy №65 mekteptıŋ aumaǧyndaǧy jataqhanadan elordalyq pedagogtarǧa 250 oryn bölınıp otyr. Būl ǧimarat bastapqyda studentterge arnap salynǧan. Endı oǧan ūstazdar qonystanady.
Komissiia otyrysynda jataqhanaǧa ornalasatyndardy ırıkteu mäselesı söz boldy. Būl jerde otbasyly, balaly-şaǧaly ūstazdarǧa oryn berılmeidı.
Öitkenı bölmelerdıŋ şarşy metrı sonşalyqty köp emes. Mäselen, ekı oryndyq bölme 13 ş. m qūrasa, üş oryndyq bölme 19 ş. m qamtidy. Taǧy būǧan tek üilenbegen nemese tūrmys qūrmaǧan jalǧyzbasty mūǧalımder ornalasady.
«Bız qazır jataqhanaǧa oryn beru tärtıbı turaly erejenı äzırlep jatyrmyz. Oryndar belgılı bır ölşemder arqyly bölınedı. Mäselen, mügedektıgı bar mūǧalımderge, ata-anasy joq, jas ūstazdarǧa, eŋbek ötılı bar jäne oqu oryndaryn qyzyl diplommen bıtırgen pedagogtarǧa basymdyq berıp otyrmyz. Olardy ärine, äuelı mektep ışınen qūrylǧan komissiia saraptaidy. Oǧan «Nūr Otan» partiiasynan, ükımettık emes ūiymdary men būqaralyq aqparat qūraldarynyŋ ökılderı tartylǧan. Sodan keiın qūjattar bızdıŋ komissiiaǧa tüsedı. Jataqhana qūny qymbat emes, qoljetımdı. Mūǧalım onda tūru üşın bır jyl kelısımşartqa otyrady» dedı Bılım basqarmasynyŋ äkımşılık-qūqyqtyq bölımınıŋ basşysy Jaŋyl Qylyşbaeva.
