Juyrda AQŞ-tyŋ Niu-Iork qalasynda «New York Realism Fine Art» atty beineleu önerı şeberlerınıŋ halyqaralyq baiqauy öttı. Oǧan Qazaqstan atynan qatysqan elordalyq suretşı Renat Elubaev elımızdıŋ atyn asqaqtatty. Jerlesımız törtkül älemnen jinalǧan ekı myŋ suretşınıŋ arasynan dara şyǧyp, altyn medaldı jeŋıp aldy.
Baiqau beineleu önerınıŋ türlı janryn qamtydy. Şeteldık sarapşylar Renat salǧan jūmystardyŋ boiauynyŋ qanyqtyǧyna nazar audaryp, impressionizm baǧytyndaǧy eŋbegın atap öttı. Suretşı būl baiqauǧa «Köş» dep atalatyn suretter siklı men tuǧan jerı Torǧai dalasynyŋ körınısterın jıbergen bolatyn. Ūlttyq sipattaǧy būl tuyndylar sarapşylardy täntı ettı.
Jalpy, biylǧy jyl suretşı üşın jemıstı bolyp tūr. Renat köktemde elordada ötken Ūly Jeŋıstıŋ 70 jyldyǧyna arnalǧan baiqauda üşınşı oryndy ielendı. Artynşa Belarus Respublikasyndaǧy «Kurşinale – 2015» halyqaralyq öner olimpiadasynda «Jivopis» atalymy boiynşa top jardy. Endı, mıne, mūhittyŋ arǧy jaǧyn da moiyndatyp otyr.
«Menen būryn osy medaldı ataqty suretşımız Qanapiia Teljanovtyŋ şäkırtı Talǧat Tıleujan jeŋıp alǧan. Ol kısı jeŋısımdı estıp, menı arnaiy qūttyqtady. «Senıŋ ülken jetıstıgıŋ jüregıme jyly tidı. Qazaqstandaǧy suret önerın osylaişa biıkte ūstap jür» degen hatty keşe jazyp jıberdı. Osyndai aǧalarymnyŋ jolyn bersın dep talpynyp jürmın» deidı Renat Elubaevtyŋ özı.
Renat Elubaev – qazırde «Astana Opera» memlekettık opera jäne balet teatrynyŋ qyzmetkerı. Byltyr QR Tūŋǧyş Prezidentı muzeiınde jeke körmesı de ötken. Onyŋ jūmystarymen sol muzeige baryp, tanysuǧa bolady.
Amanǧali QALJANOV
