Marokko astanasy Rabat qalasynda ötken Ekologiia ministrlerınıŋ 8-şı islam konferensiiasynda İSESKO komissiiasy Nūr-Sūltan qalasy äkımdıgınıŋ jūmysyna joǧary baǧa berıp, Qazaqstan astanasyna «Mūsylman älemınıŋ eŋ jasyl qalasy» nominasiiasynda arnaiy syi berdı.
2017 jyly İSESKO Saud Arabiiasy Koroldıgımen bırlesıp, qoǧamnyŋ barlyq segmentterınde qorşaǧan ortany qorǧau jauapkerşılıgın nasihattau, qalalardy ekologiialyq tazalyqqa, jaŋa energiia közderın qoldanuǧa ügıtteu maqsatynda Arab, Afrika jäne Aziia aimaqtarynan üş İslam astanasy jüldesın jariialaǧan bolatyn. İSESKO basşylyǧy 2017 jyly «Bolaşaq energiiasy» ūranymen «EKSPO» Halyqaralyq mamandandyrylǧan körmesın ötkızgen, jalpy tazalyq, qorşaǧan ortany qorǧau, jaŋa energiiasy közderı jobalaryn ıske asyru boiynşa qarqyndy damu baǧytyna tüsken Nūr-Sūltan qalasyn bırınşı bolyp İslam älemınıŋ «jasyl» astanasy retınde jariialady.
Marokko astanasy Rabat qalasynda ornalasqan Bılım, ǧylym jäne mädeniet jönındegı İslam ūiymynyŋ (İSESKO) ştab-päterınde ötken Ekologiia ministrlerınıŋ 8-şı islam konferensiiasyna Qazaqstannyŋ Mysyrdaǧy Elşısı Arman İsaǧaliev bastaǧan delegasiia qatysty. Marokko Korolı Mūhammed VI qoldauymen ötken «Qorşaǧan ortany qorǧau men tūraqty damudaǧy mädeni jäne dıni faktorlardyŋ rölı» atty forumǧa 36 memleket pen 11 halyqaralyq ūiymnyŋ delegasiialary qatysty. Qatysuşylar mūsylman älemınıŋ qorşaǧan ortasy, düniejüzılık jylu köterılu üderısı, aua men su közderınıŋ lastanuy problemalaryn talqylady.
