Bügınde Astana Täuelsız Qazaqstannyŋ simvolyna ainalyp otyr. Migrasiialyq üderıster nätijesınde elorda tūrǧyndarynyŋ jyldan jylǧa köbeiuı qala äkımdıgınıŋ jūmys qarqynyn ösıre tüsudı talap etude.
Qazaqstan Prezidentınıŋ «Nūrly jol – bolaşaqqa bastar jol» atty Joldauynyŋ män-maŋyzyn tüsındıru maqsatynda Beibıtşılık jäne kelısım saraiynda ötken jiynda Astana äkımınıŋ orynbasary Aida Balaeva osylai dedı.
Joldaudyŋ negızgı baǧyttaryn tüsındıru jönındegı Astana qalalyq aqparattyq tobynyŋ būl kezdesuıne oqytuşylar qauymy jinaldy. Şarany Almaty audanynyŋ äkımı Bekbol Saǧyn jürgızıp otyrdy.
Joldau arqyly sıltengen jol eldıŋ barlyq azamattaryna, äsırese, jastarǧa qajet. Būl qūjat kım-kımge de qatyssyz emes. Sondyqtan da, jaqsy ideialardy şäkırtterıne üiretsın, damuǧa yqpal etsın degen nietpen ūstazdar qauymynan qūralǧan auditoriiaǧa baiypty baiandamalar oqyldy.
Aida BALAEVA, Astana qalasy äkımınıŋ orynbasary:
Kemeŋger otyrǧan taq –halyqtyŋ maŋdaiyna bıtken baq
Halqymyzda «Kemeŋger otyrǧan taq – halyqtyŋ maŋdaiyna bıtken baq» degen naqyl söz bar. Būl jaǧynan alǧanda, bızdıŋ el eŋ baqytty elderdıŋ qatarynda.
Bızge keŋ-baitaq jer berdı, bırlıgı küştı el berdı jäne sol eldı sauatty basqara bıletın Elbasydai er berdı.
Halyqtyŋ är kezeŋdegı tırşılık-tynysyn sezınıp, tūrmysyn baǧamdap, soǧan säikes qajettı şaralardy qabyldai bılu – köregen basşynyŋ, sarabdal saiasatkerdıŋ ǧana qolynan keletın basqaru önerı. Täuelsızdık alǧan kezeŋnen bastap Prezidentımızdıŋ jasaǧan ärbır şeşımı, ärbır ūsynysy tek halyq igılıgın közdegen şaralar bolyp kele jatqanyna bügıngı jetıstıgımız kuä.
Biylǧy Joldauda aitylǧan basty baǧyttar men mındetter de osynyŋ kezektı dälelı bolǧany anyq.
Körşı memleketterde soŋǧy kezderde oryn alǧan saiasi-äleumettık jaǧdailar men ekonomikalyq sanksiialar boiynşa qoǧamda ülken alaŋdauşylyq tuyndady. Halyqtyŋ osy alaŋ köŋılın der kezınde sezıne bılgen Elbasymyz – tūraqty damudy toqtatpai, ekonomikamyzdy odan ary köterudıŋ kezektı strategiialyq josparyn ūsynyp otyr.
Är jylǧy Joldaudyŋ – öz jaŋalyǧy bar. Degenmen, biylǧy Ündeudıŋ mänı de, maǧynasy da bölek.
Ekonomikanyŋ quaty – eŋ aldymen halyqtyŋ äl-auqatynyŋ kepılı. Prezidentımızdıŋ alysty boljai bıletın köregendıgınıŋ taǧy bır körınısı – ol uaqytynda Ūlttyq Qor qūru ideiasy. Būl ideia bügınde özın tolyq aqtap otyr.
Bügınde älem elderımen tyǧyz bailanys ornatqan elımızdıŋ damuy da jahandyq ekonomikaǧa bailanysty ekendıgı dausyz. Älemdık daǧdarystardyŋ ūşqyny sezılmei qoimaityny belgılı. Osyndai kezderde, ekonomikamyzǧa, halyqtyŋ äleumettık ahualyna der kezınde ülken qoldau beretın Ūlttyq qor qūru ideiasy da Elbasymyzdyŋ bıregei jobalarynyŋ qatarynan tabyldy.
Joldauda aitylǧandai, Prezidentımız aldaǧy jyldarǧa Ūlttyq qordan qomaqty qarjy böluge şeşım şyǧaryp otyr. Bölıngen qarjy halyqtyŋ bırınşı kezektegı qajettılıkterıne jūmsalatyn bolady.
Būndai şaralar būǧan deiın de qabyldanǧan bolatyn. Sonyŋ arqasynda, Prezidentımız memlekettı älemnıŋ qanşama elın älsıretıp ketken ötken jyldardaǧy daǧdarystardan aman-esen alyp şyqty. Eŋ bastysy, elımız özınıŋ damu quaty men qarqynyn azaitpai, ekonomikasy ekpındı damyp kele jatqan memleketter qatarynan tabyla bıldı. Mūnyŋ barlyǧy – sauatty saiasi şeşımderdıŋ, jauapty ekonomikalyq reformalardyŋ jemısı. Eŋ bastysy – halyqtyŋ erteŋge degen, Elbasyǧa degen zor senımınıŋ nätijesı.
Nūrlan ERIMBETOV, «Qazaqstannyŋ azamattyq aliansy» qoǧamdyq bırlestıgınıŋ prezidentı:
Jastar, özderıŋe ǧana senıŋder!
Elbasymyzdyŋ jaŋa Joldauy mazmūny jaǧynan da, jüktelgen mındetterı jaǧynan da ädettegıdei tereŋ boldy. Alaida, men osy qūjattaǧy toleranttyq mäselesıne toqtalǧym keledı.
Bırlıgı joq eldı basyp alu oŋai. Äsırese, qazırgı künı yntymaqsyz, ymyrasyz kez kelgen memlekettı eşqandai tank salyp, oq jūmsamai-aq ydyratuǧa bolady. Ondai el özı-aq ıştei ırıp, ydyrap ketedı. Sondyqtan da, men bızge eŋ keregı ışkı auyzbırşılık der edım. Ūlttar dostyǧy, tatulyq pen tūtastyq bızdıŋ dästürımızge sıŋgen. Sonyŋ bır ǧana dälelı retınde elımızdegı san myŋdaǧan aralas nekelerdı aituǧa
bolady. Demek, toleranttyq bız üşın mäŋgı mänın joimaityn qūndylyq bolyp qala beredı.
Ekınşıden, Elbasymyz ünemı ainalyp ötpeitın eŋbek jäne jastar taqyrybyna toqtalǧym keledı. Men ylǧi da elımızdegı kıtaphanalar men muzeilerge baryp tūramyn. Ökınıştısı, ol jerler bos tūr. Jastar kele bermeidı. Esesıne jastar «Mega», «Keruen» sarailarynda jür. Nege? Jastarǧa men «ülkenderge senbeŋder» degım keledı. Öz küşterıŋe senıŋder! Ülkender ömır boiy qastaryŋda jürmeidı. Sportpen ainalysyŋdar. Bıraq, fitnes-klubtarǧa baryp, şyǧyn ketırgenşe, taza auada jügırıp, dalada jattyǧyŋdar. Bärımız de söitıp öskenbız. Eŋ bastysy, jastar uaqytty ysyrap qylmai, tiımdı paidalana bılse eken deimın. Adamnyŋ negızgı jemıstı eŋbegı jas kezınde jüzege asady. Älemde 25 jasynda-aq özın moiyndatyp, Nobel syilyǧyn alǧandar bar.
Al jastardyŋ tärbiesıne oŋ yqpal etu üşın elımızdegı telearnalar taŋnan keşke deiın öner jūldyzdarynyŋ qaida baryp, ne kiıp, ne ışıp-jegenın aita bergenşe eŋbek adamdaryn, qarapaiym jūmysşylardy köbırek nasihattap, solardyŋ joly ızgılıktı, igılıktı bolatynyn jas örkenderge ūǧyndyrsa eken deimın.
Erlan SYDYQOV, L.Gumilev atyndaǧy EŪU rektory:
Mındetımız eselendı
Täuelsızdık alǧannan bergı barlyq jetken jetıstıkterımızdı saralap qaraǧanda, men eŋ aldymen Qazaqstannyŋ TMD ışındegı bırınşı bolyp öz şekarasyn demarkasiialaǧanyn aitar edım. Keŋestık odaq ydyraǧanda köptegen elder miting jasady, köşege şyqty, jalpy qoldan kelgenın ıstedı. Al bız tynyş qana özımızdıŋ ortaq üiımızdı egıstıkpen kömkerdık. Bolaşaqta jemısın beretın ülken ıstermen ainalystyq. Elbasymyzdyŋ köregendıgı de osynda bolatyn. Qazır bızdıŋ şekaramyz jai belgılenıp qana qoimaǧan, onda baǧandar ornatylyp, şekaraşylar beketterı aşylǧan. Ol şekara barlyq körşıles elderde ratifikasiialanyp, BŪŪ-da qūjattamalyq negızde bekıtılgen.
Barlyq aqyldy adamdar alda tyǧyryqqa tırelgende jyrtyǧyna jamau bolatyn qarajat jinaidy. Bızdıŋ Elbasymyz Nūrsūltan Nazarbaev ta özı bas bolyp Ūlttyq qordy qūrǧan bolatyn. Ol mūnymen taǧy da köregendık jasady. Eger bız sol uaqytta keibır azamattarǧa qūlaq asyp, Ūlttyq qordaǧy qarajatty jaŋadan tuǧan säbilerden bastap, elımızdegı barlyq azamattarǧa teŋdei ülestırıp beretın bolsaq, qazırgıdei qiyn–qystau kezde qauıpsızdıgımızge tırek tabylar ma edı? Joq. Al bız qazır jūrt daǧdarysqa tırelıp, odan şyǧar jol ızdep jatqanda özımızdıŋ damu jolymyzdy jalǧastyryp otyrmyz. Mäselen, Joldauda aitylǧandai, qomaqty qarajat aldaǧy jyldary elımızdıŋ joldaryn jöndeuge jūmsalǧaly otyr. Jol jaqsy bolsa, azamattar elın aralap, soltüstıkten oŋtüstıkke, oŋtüstıkten soltüstıkke nemese şyǧystan bastysqa jaqsy jaǧdaida jete alatyn bolady. Eldıŋ bırtūtastyǧy, ışınara qarym–qatynasy, barys-kelısı artady. Sol sekıldı, «100 mektep, 100 auruhana» baǧdarlamasy da jalǧasyn tauyp, mektepter men auruhanalar salynady. Baspana mäselesı de oŋtaily şeşımın tappaq. Ol demografiiaǧa yqpal etedı.
Sondyqtan da, bızdıŋ endıgı mındetımız eselendı. Barşamyz jūmylyp, Joldaudaǧy maqsat-mındettı jüzege asyruymyz qajet.