12 mausym künı Memleket basşysy QR Prezidentı janyndaǧy Şeteldık investorlar keŋesınıŋ Aqmola oblysy Burabai kurorttyq aimaǧynda ötken 27-jalpy otyrysyna qatysty dep habarlaidy www.akorda.kz caity.
SENIMDI SERIKTESTIK – TŪRAQTYLYQTYŊ ARQASY
Memleket basşysy Qazaqstan üşın qazırgı ötkızu naryqtaryn keŋeituge jäne yntymaqtastyqty nyǧaituǧa mümkındık beretın Euraziialyq ekonomikalyq odaqtyŋ maŋyzdylyǧyna toqtaldy.
–Bızdıŋ elderımızdıŋ arasynda tiımdı ekonomikalyq bailanystar ornatu öŋırde dostyq jäne tatu körşılık qarym-qatynastardy jolǧa qoiuǧa yqpal etedı. Keibır elderde ahual tūraqsyzdanyp, investisiialyq klimat naşarlap otyrǧan kezde Qazaqstanda ekonomikalyq odaqtyŋ arqasynda şeteldık investorlar üşın jaŋa mümkındıkter aşyluda, – dedı Nūrsūltan Nazarbaev.
El Prezidentı Qazaqstan ekonomikasyna investisiia salu Euraziialyq ekonomikalyq odaqtyŋ ortaq naryǧynda jūmys ısteu üşın oŋtaily alaŋ bolatynyn atap öttı.
– Bıregei investisiialyq şarttar, eŋ tömengı salyqtar jäne investorlar men memlekettıŋ özara qarym-qatynastarynyŋ tūraqtylyǧy bızdıŋ eldı Euraziialyq ekonomikalyq odaqtyŋ alyp naryǧyna kıretın «üzdık» qaqpa retınde körsetedı, – dedı Qazaqstan Prezidentı.
İndustriialandyrudyŋ bırınşı besjyldyǧyna toqtalǧan Memleket basşysy jahandyq ekonomikalyq daǧdaryspen bailanysty tuyndaǧan qiyndyqtarǧa qaramastan, Qazaqstan jaŋa jūmys oryndaryn aşyp, ekonomikanyŋ öŋdeuşı salalaryna investorlar tarta alǧanyn atap öttı.
– İndustriialandyru kartasy aiasynda 4 jylda jalpy somasy 2,4 trillion teŋgenıŋ 651 jobasy ıske qosyldy, 70 myŋǧa juyq jūmys orny qūryldy. Osy jobalardyŋ ärbır jetınşısı tıkelei şeteldık investisiialardyŋ kömegımen jüzege asyryldy, – dedı Nūrsūltan Nazarbaev.
Qazaqstan Prezidentı mūndai jobalardyŋ qatarynda «Alstom» kompaniiasy ūiymdastyrǧan Astanadaǧy elektrovozdar öndırısın, «Reno», «Nissan» jäne «Avtovaz» kompaniialarymen bırlesken avtoqūramdauyştar öndırısınıŋ tolyq sikldy zauytynyŋ qūrylysyn atady.
Memleket basşysy älemdegı tūraqsyz ekonomikalyq ahualdyŋ saldarynan şeteldık tıkelei investisiialar aǧyny qysqaryp jatqan jaǧdaida Qazaqstan investorlar üşın tūraqty ärı senımdı serıktes bolyp otyrǧandyǧyn aitty.
– Älemdık daǧdarystarǧa qaramastan, bızdıŋ ekonomikamyz ornyqty damu qarqynyn joǧaltpady. Bız investorlardy barlyq jaǧynan qoldaimyz jäne qoldau şaralaryn ünemı jetıldırıp otyramyz, – dedı Nūrsūltan Nazarbaev.
MAKROEKONOMİKALYQ KLİMAT BOIYNŞA OTYZDYQ IŞINDEMIZ
İndustriialyq-innovasiialyq damudyŋ ekınşı baǧdarlamasynyŋ basymdyqtaryna toqtalǧan Memleket basşysy şeteldık investorlarmen serıktestıktıŋ bırqatar negızgı täsılderın atady.
Qazaqstan Prezidentı būl baǧyttaǧy maŋyzdy qadamdardyŋ bırı jaǧymdy makroekonomikalyq klimat qamtamasyz etu ekenın aitty.
–Qazaqstan on jyldan astam uaqyt boiy kezeŋ-kezeŋımen ornyqty makroekonomikalyq orta qūrdy. Osy körsetkış boiynşa bız 2013 jyly 23-oryndy ielenu arqyly qazırdıŋ özınde bäsekelestıktıŋ jahandyq indeksınde alǧaşqy otyzdyq elderı qataryna kırıp otyrmyz, – dep atap öttı Nūrsūltan Nazarbaev.
Memleket basşysy, sondai-aq, Qazaqstannyŋ Düniejüzılık sauda ūiymyna kıruı investorlar üşın qosymşa qolaily şarttar tudyratynyn aitty. Öitkenı, elımızde sauda, investisiia, ziiatkerlık menşıktı qorǧau salalarynda halyqaralyq erejeler qoldanylatyn bolady.
İnvestorlarǧa järdemdesudıŋ taǧy bır maŋyzdy şarasy retınde qarjylyq qoldau mäselesı ataldy.
– İndustriialandyrudyŋ jaŋa baǧdarlamasyn jüzege asyru üşın memlekettık biudjetten bes jyl boiyna şamamen 600 milliard teŋge bölınedı. Sondai-aq Ūlttyq qordan taǧy 1 trillion teŋge bölu turaly şeşım qabyldadyq. Oǧan qosymşa, Düniejüzılık bankpen, Europalyq qaita qūru jäne damu bankımen, Aziia damu bankımen jäne İslam bankımen negızdemelık kelısımge de qol qoidyq, – dedı Qazaqstan Prezidentı.
Memleket basşysy biznes bailanystary men käsıpkerlerdıŋ halyqaralyq kooperasiiasyn keŋeitu üşın vizalyq kedergılerdı joiu qajettıgıne toqtaldy.
– Bügın bız Qazaqstanda barynşa joǧary investisiialyq belsendılık tanytqan on memlekettıŋ azamattary üşın bırjaqty vizasyz rejim ornatu turaly habarlaimyz. Būl tızımge AQŞ, Niderlandy, Ūlybritaniia, Fransiia, Germaniia, İtaliia, Malaiziia, Bırıkken Arab Ämırlıkterı, Koreia Respublikasy jäne Japoniia kırdı, – dedı Nūrsūltan Nazarbaev.
ǦYLYMİ IZDENISKE ÜLES QOSYP, KADR DAIаRLAUǦA ŞAQYRDY
Qazaqstan Prezidentı investorlardy innovasiialyq ekonomikanyŋ negızın qalyptastyru jäne tiıstı kadrlar daiarlau üderısterıne belsendı qatysuǧa şaqyrdy.
– Sızderdı korporativtık ǧylymi-zertteu jäne täjıribelık-konstruktorlyq ortalyqtar qūruǧa jäne olardy Nazarbaev Universitetınıŋ qūrylyp jatqan Astana biznes kampus ǧylymi parkı aumaǧynda ornalastyruǧa şaqyramyn, – dedı Memleket basşysy.
Kadr daiarlau jüiesın jaŋǧyrtudy industriialandyrudyŋ maŋyzdy şarttarynyŋ bırı retınde ataǧan Qazaqstan Prezidentı Ükımetke investorlardy kolledjder men joǧary oqu oryndaryn basqaruǧa tartudy tapsyrdy.
Memleket basşysy memleket-jeke menşık serıktestıgınıŋ maŋyzdylyǧyna nazar audardy. Osy oraida ol şeteldık investorlardy josparlanyp otyrǧan 700-ge juyq kompaniiany jekeşelendıruge belsendı qatysuǧa şaqyrdy.
YNTALANDYRU PAKETI KÖP JEŊILDIK JASAIDY
Nūrsūltan Nazarbaev 2015 jyly «Eurokodtar» jüiesıne köşudıŋ jäne qūrylys salasyndaǧy saraptama boiynşa qyzmetterdıŋ basym köpşılıgın bäsekelık ortaǧa berudıŋ qajettılıgın de atap öttı.
Memleket basşysy kapital saludyŋ meiılınşe perspektivaly baǧyttary retınde şikızat, öŋdeuşı önerkäsıptı, innovasiialyq salalardy, şaǧyn jäne orta biznes, turizm jäne qyzmet körsetu sektoryn atady.
Otyrys barysynda Qazaqstan Prezidentı basymdyǧy bar baǧyttardyŋ tartymdylyǧyn köteru üşın Ükımet äzırlegen auqymdy yntalandyru paketı turaly da aitty.
Atap aitqanda, industriialandyrudyŋ osy salalaryndaǧy investorlar korporativtık tabys salyǧyn töleuden jäne jer salyǧynan 10 jylǧa, mülık salyǧynan 8 jylǧa bosatylady.
Sonymen qatar, memleket nysandy paidalanuǧa bergennen keiın şeteldık investorlarǧa kürdelı şyǧystarynyŋ 30 paiyzyna deiın ötep beretın bolady. Būl oraidaǧy taǧy bır şeşım – investisiialyq jobany jüzege asyrudyŋ bükıl kezeŋınde jäne nysandy ıske qosqannan keiın bır jyl eşqandai kvotasyz jäne rūqsatsyz jūmys küşın tartu bolyp otyr.
Sondai-aq investorlarǧa qosymşa qūn salyǧy men aksizden basqa, barlyq salyqtar men tölemderdıŋ mölşerlemelerıne qatysty zaŋnamanyŋ tūraqtylyǧyna kepıldık berıletın bolady.
«İNVESTİSİIаLYQ OMBUDSMEN» İNSTİTUTY ENGIZILEDI
Qazaqstan Prezidentı investorlar üşın memlekettık mekemelermen jūmys kezınde «bır tereze» qaǧidaty engızıletının aitty.
Būdan bölek, investorlardyŋ qūqyqtary men müddelerın qorǧaudy qamtamasyz etu üşın «investisiialyq ombudsmen» instituty zaŋnamalyq deŋgeide engızıletın bolady.
Memleket basşysy basymdyǧy bar salalarda jūmys ısteitın käsıporyndardyŋ kepıldendırılgen tapsyrystar aluyna järdem jasalatynyna nazar audardy.
Sözınıŋ soŋynda Nūrsūltan Nazarbaev «Qazaqstan Respublikasynyŋ keibır zaŋnamalyq aktılerıne investisiialyq klimatty jetıldıru mäselelerı boiynşa özgerıster men tolyqtyrular engızu turaly» zaŋǧa qol qoidy.
Otyrys barysynda Europalyq qaita qūru jäne damu bankınıŋ prezidentı Suma Chakrabarti jäne Premer-ministrdıŋ orynbasary – industriia jäne jaŋa tehnologiialar ministrı Äset İsekeşev baiandama jasady.
Sondai-aq «Total», «Doiche Bank Frankfurt», «Eni», «Djeneral Elektrik Oil end Gaz», «Telia Sonera», «Sberbank Rossii», «Ernst end Iаng», «Anadolu Grupp» jäne basqa da kompaniialardyŋ basşylary otyrystyŋ negızgı taqyrybyna qatysty öz pıkırlerın bıldırdı.
Is-şaranyŋ qorytyndy bölıgınde «Burabai-Qostanai» teleköpırı bolyp, onyŋ barysynda Memleket basşysy «Toiota» avtomobilderın şyǧaru jönındegı jobany ıske qosu räsımıne qatysty.
Soŋynda Nūrsūltan Nazarbaev Şeteldık investorlar keŋesınıŋ kelesı otyrysynda Qazaqstandaǧy agrobiznestı damytu mäselelerın talqylaudy jäne ony Şymkentte ötkızudı ūsyndy.
Otyrystan keiın Nūrsūltan Nazarbaev Keŋeske qatysuşylarmen bırge Şuche kölınıŋ jaǧasyna tıgılgen etno-auyldy aralap kördı.
WWW.AKORDA.KZ
