Qūndyzai ERIMBETOVA:
– Soŋǧy şirek ǧasyrda mūǧalım atyna kır keltırgender sany basym bolyp kettı. Adami qūndylyq özgerıske tüstı. Qolyndaǧy zatty alu, almauyna bailanysty oquşylardyŋ baǧasyn aiqyndaityn mūǧalımderdı körgende jaǧa ūstaityn onjyldyqtar öttı. Aqyrynda, qasiettı mamandyqty materialdyq müddemen ǧana teŋestıretın ūstazdar qauymy paida boldy. Arasyndaǧy taza jūmys atqaratyndar «qasietsız» adam retınde kün keşude… Aita berseŋ, jüregıŋ auyrady. Osynyŋ barlyǧy respublikadaǧy bılım basqarmalary men mektepterde basşylyqtyŋ tanys-tamyr, sybailas, ym-jym arqyly taǧaiyndaluynan. Endı ata-analarǧa bar kınä artyla bastady. Taza adamdy basşylyqqa jolatpaidy. Öitkenı ol «qasietsız», joǧarydaǧylarmen tıl tabysa almaidy, aqşa jasai almaidy. Al qazır tärbie emes, basty mäsele aqşaǧa auyŋqyrap tūr. Oi taza bolmai, balaǧa jaqyndai almaisyŋ. Men Almaty bailanys kolledjınde jūmys atqarǧanda mektepten ölımsırep zorǧa üşke oqyǧan balalardyŋ keibırı qyzyl diplommen bıtırdı. Sebebı kolledj oqytuşylarynyŋ ışınde 20-30 jyldyq özge ūlttyŋ ökılderı basym bolatyn, al qazaq oqytuşylar bolaşaqtyŋ tehnarlary özımızden şyǧu kerek degen patriottar edı, olar tek bılımdı talap etetın. Sonda mektepte körıksız bolǧan balapandar qalai qyzyl diplommen bıtıredı? Būl kımder tarapynan jıberılgen qate? Bastysy, täjıribemnen ūqqanym, balaǧa şynaiy qamqorlyq jetıspeidı. Pedagog Qūran ūstap jürgen molda tärızdı boluy şart. Osy mamandyqty taŋdaǧan eken, qiyndyqqa şydau kerek, ızdenu kerek. Oquşymen tek sabaq, paryz, otanşyldyq taqyrybynda ǧana araqatynas saqtalynuy tiıs qoi. Qazır ol özgerıske tüsken. Sondyqtan ruhani jaŋǧyramyz desek, ıs-äreket joǧarydaǧy halyqtyŋ tübıne jetetın «şyrmauyqtardy» tazartudan bastaluy kerek dep oilaimyn. Alaida tamyrlap ketken jaǧdaida ony joiu da qiyn. Ärine, būl – jeke pıkırım. Ūstazdar, jaratqan sızderge quat bersın, eşkım nesıbesız tuylmaǧan!
Aqmaral AQANBAEVA:
– Bılmeimın, öz basym mektepte qanşa jyl mūǧalımmın. Jeke basymnyŋ qajettılıgı üşın eşkımnen aqşa sūramappyn. Syilyqqa aqşa berse – almaimyn. Būl jaǧynan halyqtyŋ aldynda aqtalmaimyn, arym taza. Kerısınşe, üidegını mektepke tasimyn, printer, aq qaǧazǧa deiın. Qajetımdı öz qaltamnan şyǧaryp alamyn. Keide jetekşılık etıp jürgen ūstazdarǧa, jetıstıkke jetıp jürgen oquşylaryma da syilyq jasap qoiǧandy ūnatamyn. Jalaqymdy alǧanda oquşylaryma da syilyq jasaǧandy jaqsy körem. Kabinetımdı de talai özım jabdyqtadym, körnekılıkterdı de öz aqşama alam. Al oquşylardyŋ ata-analaryna keide synypqa gül aludy, güldıŋ ydystaryn bırdei jasaudy, balalardyŋ tanym kökjiegı keŋeiu üşın türlı jerlerge alyp baruǧa atsalysularyn (teatr, muzei, t.b) ötınetınım bar. Är balanyŋ jaqsy jerde otyryp, ädemılıkke közı üirensınşı dep oilaimyn. Sebebı menıŋ alatyn jalaqym bärıne jete bermeidı. Ūstazdarymnan da, oquşylarymnyŋ ata-analarynan da artyq aqşa şyǧyp ketse, özımnıŋ «janym şyǧyp» ketedı. Degenmen soŋǧy kezde mektepke biudjetten aqşa köp bölınedı dep şuyldap jatqandy jiı estimın.
