Bügınnen bastap «Oiynşyqtar hikaiasy-4» animasiialyq filmı qazaq tılınde prokatqa şyqty. Būl – «Bolaşaq» korporativtık qorynyŋ «Özıŋnen basta» jobasynyŋ memlekettık tılge audarylǧan 30-filmı. Dubliajdıŋ kastingıne elımızdıŋ Almaty jäne Nūr-Sūltan qalalarynan 50-den astam adam qatysyp, basty 3 saundtrektı tanymal änşı Daniiar Ötegen oryndaǧan. Saundtrekterdıŋ ekeuı itunes qosymşasyna şyǧady.
«Oiynşyqtar hikaiasy-4» animasiialyq filmınıŋ siujetı boiynşa astronavt Bazz Lainder, kovboi Vudi Allen, Slinki itı jäne olardyŋ barlyq dostary bırıgıp, esten ketpes künderdı asyǧa kütedı. Endidıŋ kolledjge oquǧa tüskennen keiın
oiynşyqtar jaŋa qojaiyny Bonni esımdı kışkentai qyzdyŋ qolyna tüsıp, ömırlerı kürt özgeredı. Bonnidıŋ balabaqşaǧa baruynyŋ alǧaşqy künı jaŋa qyzyqty oqiǧalarǧa tap bolyp, basqa oiynşyqtarmen tanysyp, talai şytyrmandy bastan ötkeredı.
Animasiialyq trilogiiadan şyqqan debiuttık film alǧaş ret 1995 jyly ekranǧa şyqty. Eger alǧaşqy üş filmın halqymyz orys tılınde qarasa, törtınşı bölımın ekı tılde tamaşalai alady.
– Būl – tek balalar üşın emes, sonymen qatar ülkenderge de öte qyzyqty film. Men bala kezımnen multfilmdı süisınıp köremın, bügınde prokatqa jaŋa şyqqandaryn köruge asyǧa baramyn. Menıŋ oiymşa, filmdı özıŋ qalaityn, tüsınetın tılde tamaşalau öte maŋyzdy. Al Disneidıŋ multfilmderı – bölek älem, öitkenı bala kezımızde är jeksenbı saiyn olardyŋ bastaluyn kütıp, änderın jatqa bıletınbız. Osynşama jyldan keiın eŋ süiıktı multfilmderdıŋ qataryna kıretın bıreuınıŋ saundtregın oryndau men üşın ülken quanyş boldy, – deidı
Daniiar Ötegen.
«Özıŋnen basta» jobasynyŋ arqasynda bügıngı taŋda 100-den astam otandyq akterler «Walt Disney Pictures» dauystyq bazasynda tūr. Türık tılderınıŋ ışınde «Walt Disney» kinostudiiasynyŋ tarihynda qazaq tılı 39-ynşy jäne «Sony Pictures» kompaniiasy üşın 7-orynda tūr.
Madina HASENOVA,
L.Gumilev atyndaǧy
Euraziia ūlttyq
universitetınıŋ studentı
