Mınaidar Boranbaev 1926 jyly 10 mamyrda düniege kelgen. Ol – Qostanai oblysy, Amangeldı audanynyŋ tumasy. Ūly Otan soǧysy bastalǧanda älı buyny bekımegen bozbala bolatyn. Tyldaǧy auyr jūmystyŋ äielder men jasöspırımderdıŋ moinyna artylǧan auyr kezın bastan keşırgen. Bıraq soǧan qaramastan 1944 jyly jasyn ūlǧaityp jazdyrtyp, 17 jasynda öz erkımen soǧysqa ketedı. Jylǧa juyq soǧysyp, Ūly Jeŋıstıŋ tuyn jelbıretıp elge oralǧan jeŋımpaz sarbazdyŋ bırı atandy.
Alǧaş qolǧa qaru ūstai sala bırden II Belorus maidanynyŋ 6 gvardiia armiiasy qūramyndaǧy jaujürek jauyngerlerdıŋ qataryna qosylady. Alty ai ışınde nemısterdı tyqsyra quyp, Belorussiianyŋ Belostok aimaǧynan Polşanyŋ jerıne aiaq basady. Odra özenınıŋ saǧasyn boilai jürıp soǧysady. Söitıp, nemısterdıŋ Ştetten degen qalasyna jete bere soiqan ūrys salady. Drezdendı azat etuge qatysady. Ekınşı düniejüzılık soǧysta Drezden bütındei qiraǧan qalalardyŋ bırınen sanalǧan. Alaida qazır küllı Sakson memlekettık kıtaphanasy ornalasqan keremet damyǧan ülken qalalardyŋ bırıne ainalǧan.
Söitıp, Mınaidar ata Baltyq teŋızı jaǧalauyndaǧy Rostok degen portty qalany basqynşy faşis-terden azat etuşıler qatarynda da bolǧan. Nemıstıŋ ökşelei quyp kele jatqan keŋester armiiasy port arqyly aǧylşyndarǧa qaşpaqşy bolǧan nemıs soldattarynyŋ aldyn alyp, tūtqyndap otyrdy. Sol jerde 1945 jyly 8 mamyr künı general K.Rokossovskii bastaǧan armiia maqtanyştary Jeŋıs paradyn ötkızedı. Mınaidar ata sol paradqa qatysuşy köp soldattyŋ bırı bolypty. Soǧys bıtkenşe qatardaǧy jauynger M.Boranbaev aǧa serjanttyqqa deiın ösken. Ol I sanattaǧy radist-bailanysşy boldy. Qazırgı taŋda da ūmytyla qoimaǧan «Morze älıppesınıŋ» jetık mamany. Soǧys bıtken soŋ olardy Kavkaz äskeri okrugıne jıberedı. Sol jerde bes jylǧa juyq äskeri qyzmetın öteidı. Radiobailanystyŋ bastyǧy bolyp elge oralǧan. Elge kelısımen soǧystan keiın qaŋyrap qalǧan auyl men qalalardy qaita tūrǧyzu jūmystaryna belsene atsalysady. Özı oqi jürıp, otbasyn qūrady. Arqalyq qalasynda köp jyldar boiy mektep direktory qyzmetın atqarǧan ardaqty ūstaz. Keiın Arqalyq auyldyq partkomy bolady. İdeologiia jönındegı hatşy qyzmetın de ıstegen. Odan da basqa köptegen jauapkerşılıgı mol qyzmetterdı atqara jürıp, zeinetke şyqqan. «Äskeri erlıgı üşın» medalı, «Ūly Otan soǧysynyŋ ardagerı» ordenı, «Germaniia azat etu» medalı, «Qūrmet» ordenı, «Eren eŋbegı üşın» medalımen jäne taǧy da basqa otyzǧa tarta marapattary bar eken. Süiıp qosylǧan jary Alma apa ekeuı 60 jyl bırge qol ūstasyp ömır sürıp keledı. Qol ūstasyp ömır keşken qos ūstaz ömır aidynyna bırneşe buyn qazaq balalaryn tärbielep ūşyrdy. Jetı bala ösırıp, nemere-şöbere süiıp otyrǧan aqsaqal Arqalyq qalasynyŋ qūrmettı azamaty.
Jasy 86-ǧa qaraǧan atamyzdyŋ öskeleŋ ūrpaq aldynda jasaǧan eren erlıgı eşqaşan halyq jadynan öşpeidı. Onyŋ jalyndy jastyǧy ömır üşın kürespen ötse, bügıngı egemen eldıŋ ūlandary degdar tektı atalar amanatyn arqalap ömır süredı.
Şynar ÄBILDA
