AZAIMAI TŪRǦANDYǦY – ÖTE ÖKINIŞTI JAǦDAI
Öndırıs oşaqtaryndaǧy qaiǧyly jaǧdailar… Qanşa aitylyp, qanşa jazylyp kele jatsa da būl taqyrypqa qaita-qaita oraluǧa mäjbürmız. Käsıporyndarǧa näpaqa tabamyn dep kelgen azamattar, kerısınşe, mügedekke ainalyp, tıptı jaqyndaryn eŋıretıp, ana älemge ketıp te jatyr. Jäne san jaǧynan kelsek, jyldan-jylǧa osyndai jaǧdailar azaiudyŋ ornyna köbeiıp keledı. Mäselen, Astananyŋ özınde aǧymdaǧy jyldyŋ toǧyz aiynda öndırıste 94 qaiǧyly jaǧdai tırkelıp, 27 adam köz jūmǧan. Salystyra ketsek, byltyr osy kezeŋde 57 osyndai fakt tırkelgen. Osynyŋ ışınde 19 adam ömırmen qoştasqan.
Astana qalasy Işkı ıster departamentınıŋ baspasöz qyzmetı ūsynǧan mälımetterge süiensek, biyl osyndai oqiǧalarǧa qatysty 22 qylmystyq ıstıŋ tergeuı aiaqtalǧan. Solardyŋ keibırın keltıre ketsek, «Aqmol Teplo Servis» JŞS jūmysşysynyŋ qaza tabuyna bailanysty käsıporyn direktorynyŋ üstınen eŋbekti qorǧau erejelerin būzu faktısı boiynşa qylmystyq ıs qozǧalyp, 19 mausym künı sot qarauyna jıberılgen. QR Qylmystyq kodeksınıŋ osy babyna säikes «Adal grupp LTD» JŞS direktory men mehanigıne de aiyp taǧyldy. Tergeu anyqtaǧandai, käsıporyn jūmysşylary B.Tastanbekov pen A.Östemırov jūmysta jürıp, auyr jaraqat alyp qalǧan. Olardyŋ densaulyqtaryna aitarlyqtai ziian keluıne basşylary aiyptalyp, material sotqa 5 tamyz künı jıberılgen.
Būl anyqtalǧan faktıler ǧana. Al, «jabuly qazan jabuly küiınde» qalyp jatqany qanşama. Mysaly, byltyr «Kvadrostroi kapital» JŞS-de jūmys ıstep jürgen özımızdıŋ bır tuysqanymyz jūmysta jaraqat alyp qalyp, auruhanaǧa tüstı. Jūmysşysy osyndai jaǧdaiǧa duşar bolǧanda basşylary selt etpedı. Moraldyq ta, materialdyq kömektı de körsetuge jaramady. Tuysqanymyz auruhanadan şyqqannan keiın tiıstı oryndarǧa şaǧymdanyp baqty. Alaida, eş jerden qoldau tappai, aman qalǧanyma şükır dep auylyna qaityp kettı. Endı «körmegenım Astana bolsyn» dep otyr. Ärine, osyndai jaǧdailarda öndırıs oşaqtarynyŋ basşylaryn ǧana kınälauǧa bolmaidy. Keibır jūmysşylardyŋ özderı qauıpsızdık tehnikasyn saqtamai, jaraqattanulary men ajaldaryna sebep tuyndatyp jatady. Sondyqtan, abailasaŋyzdar igı, aǧaiyn, degımız keledı.
Amanǧali ŞMİTŪLY
