Atalǧan joba Astana qalasy äkımdıgınıŋ qoldauymen jüzege asty. Biylǧy qaŋtar aiynda ūiymdastyrylǧan ırıkteuden ötken 5-17 jas aralyǧyndaǧy 20 bala teatrǧa qabyldandy. Sodan keiın muzyka mamandarynan vokaldan jäne akterlık şeberlıkten sabaq ala bastady. Täjıribelı pedagogtardan ekı aiǧa juyq därıs alyp, ötken aptada sahnaǧa şyǧyp, önerlerın körsettı. Teatrdyŋ körkemdık jetekşısı Baqytjan Tajinovtyŋ aituynşa, bolaşaqta būl balalardy türlı qalalyq, respublikalyq jäne halyqaralyq deŋgeidegı konsertterge qatystyryp, şeberlıkterın şyŋdau josparlanuda.
«Qazır teatrǧa qabyldanǧan balalardyŋ muzykalyq mümkındıkterın, akterlık qabıletterın tekserudemız. Olarǧa ärtıs sahnada özın qalai ūstau kerek, ärtıs pen körermennıŋ qarym-qatynasy qandai boluy qajet, şyǧarmaşylyq tūrǧydan ösu üşın ızdenıstıŋ kerektıgın, ūjymdyq jūmystyŋ erekşelıgın ūǧyndyryp, tüsındırudemız. Naǧyz ärtıs sonyŋ bärın sezınuı tiıs. Sol kezde ǧana ol sahna ne ekendıgın tüsıne alady» deidı ol.
Körkemdık jetekşı Qazaqstanda daryndy balalar men jasöspırımderdıŋ köptıgın, teatrǧa ırıkteu kezınde osyǧan köz jetkızgenın aitady. «Memleket pen tiıstı mekemeler mädeniet pen önerdıŋ damuyna köp köŋıl bölude. Elımızde jyl saiyn balalar men jasöspırımder arasynda konsertter, baiqaular men festivalder köptep ötkızılude. Mūnyŋ maqsaty – tek önerdı damytu ǧana emes, jas talanttardy tauyp, olardyŋ şeberlıkterınıŋ şyŋdaluyna jaǧdai jasau, olar özderın tolyq mändı ärtıs retınde sezınu üşın alaŋ daiyndau» deidı B.Tajinov.
Onyŋ aituynşa, «Jas ‘Art» balalar estrada teatrynyŋ ärtısterın bolaşaqta ırı kölemdegı balalarǧa arnalǧan miuzikldarǧa qatystyru oida bar.
Amanǧali Qaljanov
Materialdy «Astana aqşamy» gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.
