«Oŋtüstık-Şyǧys» tūrǧyndaryn ne tolǧandyrady?
Almaty audanynyŋ äkımı Ädılbek Särsembaevtyŋ eseptık kezdesuı №74 mektep-gimnaziiada jalǧasty. Kezdesudı qalalyq mäslihat hatşysy Janat Nūrpeiısov aşyp, jürgızıp otyrdy.
Audanda ötken jyly atqarylǧan, osy jylǧa josparlanǧan jūmystar jönındegı äkımnıŋ esebınen keiın qalanyŋ «Oŋtüstık-şyǧys» aumaǧynyŋ oŋ jaǧynda ornalasqan köşelerdıŋ tūrǧyndary kökeidegı sūraqtaryn qoidy.
Aqsūŋqar köşesı, 6-üidıŋ tūrǧyny Güljahan Jambylova su men kärız jüielerıne bailanysty tuyndap jatqan mäselelerdı jetkızdı. A.Baitūrsynov köşesı, 41-üidıŋ aumaǧyndaǧy problema da soǧan ūqsas. Iаǧni kärız jüiesı jiı bıtelıp, parkingtı su basyp ketedı. Aldyndaǧy mekenjaida būl jüielerdıŋ «Astana su arnasy» MKM balansyna alynbaǧany anyqtaldy. Audan basşysy qol astyndaǧy qyzmetkerlerge atalmyş kompaniia ökılderımen bırge körsetılgen mekenjailarǧa baryp, jaǧdaimen tanysudy tapsyrdy.
T.Jürgenov, A98 köşelerınen A.Baitūrsynov köşesıne deiıngı aralyq jaryqtandyrylyp, baǧdarşam da ornatylǧan. Alaida kölık ielerı sony elemei, halyqty joldan ötkızbei, jüitkıp jür. Būl jaǧdai ömırlerıne qauıp tudyryp jatqanyn jetkızgen tūrǧyn sol maŋaiǧa «Sergek» beinekameralaryn ornatudy ötındı. Ä.Särsembaev qalalyq İnvestisiialar jäne käsıpkerlıktı damytu basqarmasy ökılınen onyŋ mümkındıgın sūrady. Basqarma ökılınıŋ «Jaǧdaidy qarastyramyz» degen jauabyna qanaǧattanbaǧan soŋ: «Mıne, ötınış tüsıp jatyr. Mäselenı qarastyratyn nesı bar? Üş kamera ornatu köp uaqytty almaidy. Aldaǧy ekı aida mūny şeşıŋızder» dedı.
Ekınşı top mügedegı Nūrlan Äubäkırov A98 köşesındegı 9/1-üidıŋ bırınşı-ekınşı qabattary mümkındıgı şekteulı adamdarǧa arnalǧanyn, sonda 50-60 şaqty mügedek tūratynyn aityp, osy üiden osyndai tūrǧyndar bos uaqyttaryn ötkızetın oryn aşudy ūsyndy.
Audan äkımı būl mäselenı jaqynda taǧaiyndalǧan audannyŋ Ardagerler keŋesınıŋ jaŋa töraǧasymen bırge qarastyratynyn aitty.
Kezdesude aumaqty abattandyru, balalardyŋ oiyn alaŋdary men sport alaŋdaryn salu, bankomat ornatu, №2 balalar emhanasyna tıkelei aparatyn avtobus baǧdaryn engızu, K.Äzırbaev köşesınen R.Qoşqarbaev daŋǧylyna şyǧaratyn joldy salu siiaqty ötınışter aityldy. Ä.Särsembaev būl mäseleler ret-retımen şeşıletının jetkızdı.
Keşe Raiymbek batyr atyndaǧy №50 «Qazǧaryş» mektep-liseiınde audan äkımı Ädılbek Särsembaev tūrǧyndarmen eseptı kezdesuınıŋ soŋǧy künın qorytyndylady. Jiynǧa qala äkımınıŋ orynbasary Qosman Aitmūhametov pen Premer-ministr keŋsesınıŋ bas inspektory Asqar Ǧazaliev qatysty.
Būl kezdesude tūrǧyndar tarapynan sonşalyqty belsendılık baiqalǧan joq. Mäselen, Beiımbet Mailin köşesındegı №29 üidıŋ tūrǧyny: «Bızdıŋ aulamyzda balalar oinaityn alaŋ joq. Osy mäselenı segız jyldan berı köterıp kelemın. Būl qaşan şeşıledı?» dep sūraq qoidy. Oǧan audan basşysy būl oiyn alaŋy biyl salynatyndyǧyn aitty. Köşedegı trotuarlardy mümkındıgı şekteulı adamdarǧa laiyqtap jasasa eken degen ötınış aitqan tūrǧynǧa Qosman Aitmūhametov būl mäselenıŋ qarastyrylatyndyǧyn jetkızdı. Jiynda keibır azamattar audan basşysyna rizaşylyǧyn bıldırdı. Tūjyryp aitqanda, bır apta boiy tūrǧyndarmen kezdesken Almaty audanynyŋ äkımı Ädılbek Särsembaev mäselenıŋ bärı aiaqsyz qalmaityndyǧyn aitty.
Amanǧali QALJANOV,
Azamat ESENJOL