Jaqynda elordalyq TJD «Kazpromholod» JŞS himiialyq qauıptı obektısınde taktikalyq-arnaiy jattyǧu ötkızdı. Jattyǧuǧa Saryarqa audany äkımı E.Baiken jäne Nūr-Sūltan qalasy TJD bastyǧynyŋ orynbasary E.Baiyrov, jeke qūram men qalanyŋ şūǧyl qyzmetterı qatysty.
Jattyǧudyŋ şarty boiynşa saǧat 11:00-de kompressorlyq qondyrǧynyŋ aqaulyǧyna bailanysty «Kazpromholod» JŞS himiialyq qauıptı obektısınıŋ kompressorlyq sehynda joǧary qysymdy önerkäsıptık ydys jaryldy. Kerneudıŋ tömendeuınen ammiakty toŋazytqyş qondyrǧynyŋ bır kompressorynyŋ elektr symdary janyp, örtke ūlasty. Bırınşı bolyp ört ornyna qalalyq Ört söndıru qyzmetı bölımşelerı kelıp jetedı. Joǧary uly zattardan himiialyq qorǧanyş kiımderın kigen ört söndıruşı-qūtqaruşylar zardap şekkenderdı ızdeu, qūtqaru, evakuasiialau jūmystaryn jürgızedı, odan ärı ört söndıru jäne jaqyn maŋdaǧy sisternalardy suytu üşın su qūiady. Sonymen qatar, oqiǧa ornyna qalanyŋ şūǧyl jäne özara ıs-qimyl jasaityn qyzmetterı, atap aitqanda, TJ, Polisiia departamentterı, Apattar medisinasy ortalyǧynyŋ, QR ŪŪ 5573-äskeri bölımınıŋ, sanitarlyq-epidemiologiialyq baqylau departamentınıŋ jeke qūramy apatty joiu üşın jūmyldyrylady. Sondai-aq tötenşe jaǧdailar saldaryn joiu kezeŋınde zardap şekken halyqty tıkelei qonystandyru üşın qalalyq №68 mektep-gimnaziia bazasynda zardap şekken halyqty qabyldau punktı de ıske qosyldy. Mūndai oqu-jattyǧulardy ötkızu qala qyzmetterınıŋ jedel özara ıs-qimylyn pysyqtauǧa, naqty apat, tötenşe jaǧdai tuyndaǧan kezde zalal men şyǧyndardyŋ aldyn aluǧa mümkındık beredı.
https://youtu.be/MZ_reSMb3K4
