Nūr-Sūltan qalasyndaǧy «Han Şatyr» SOO janyndaǧy alaŋda Aqmola, Pavlodar, Qaraǧandy oblystary jäne Nūr-Sūltan qalasynyŋ tauar öndıruşılerınıŋ auylşaruaşylyq järmeŋkesı öttı.
Qala tūrǧyndary men qonaqtary künnıŋ suyǧyna qaramastan qajettı azyq-tülık qoryn satyp aluda. Äsırese, siyr etı men süt önımderı, balyq pen kökönıs keŋ sūranysqa ie. Al tauar qūny naryqtaǧy baǧadan 10-15 paiyzǧa arzan.
«Kün suyq bolsa da öz önımderımızdı äkeldık. Tūrǧyndar bırtındep jinalyp jatyr. Keşkı uaqytta deiın tauarlarymyzdy satyp, erteŋ taŋerteŋ taǧy da şyǧamyz. Bır baiqaǧanym, balyq önımderınıŋ baǧasy arzan bolǧandyqtan tez ötıp ketedı» deidı Ardaq esımdı satuşy.
Būdan bölek, tauarlardyŋ tür-türı ūsynyluda, sonyŋ ışınde: siyr etı, jylqy etı men qoi etı, qūs etı, süt jäne qyşqyl süt önımderı, kökönıster (kartop, piiaz, säbız, qyryqqabat), jemıster, tauyq jūmyrtqasy, balyq, jarma, ūn jäne t.b. önımder bar.
«Men bügın alma men qiiar, siyr etı men balyq etın salyp aludamyn. Sebebı almanyŋ qūny 350 teŋgeden bastalady eken. Al üiımnıŋ janyndaǧy dükennen 550 teŋgeden alyp jürmın. Senbılık demalysymdy paidalanyp, järmeŋkege keldım» deidı Symbat esımdı qala tūrǧyny.
