Memleket basşysynyŋ «Armiia – memlekettıgımızdıŋ myzǧymas tıregı, täuelsızdıgımızdıŋ kepılı. Memleket tuǧan jerı üşın aianbai eŋbek etıp, äskeri qyzmetke bükıl ǧūmyryn arnaǧan otansüigış perzentterın jan-jaqty qoldauǧa airyqşa män beredı. Bızdıŋ mındetımız – jaŋa geosaiasi ahualǧa sai elımızdıŋ qorǧanys qabıletın odan ärı nyǧaita tüsu» dep aitqany elımızde äsker salasyna airyqşa män berılıp otyrǧanyn aiǧaqtaidy.
Keşe Astanada «Otan qorǧau – naǧyz erlerdıŋ ısı» äskeri-
patriottyq aksiiasy ūiymdastyrylyp, küzgı äskerge şaqyru nauqany aiasynda elordalyq 40 azamat saltanatty jaǧdaida Qazaqstan Qaruly küşterınıŋ qataryna attandy.
Astana qalasynyŋ äkımdıgı men Astana qalasynyŋ Qorǧanys ısterı jönındegı departamentı bırlesıp, äskeri-patriottyq tärbie beru jäne Qaruly küşterdıŋ märtebesın arttyru maqsatynda ötkızgen ıs-şaraǧa qalanyŋ bılım beru mekemelerınıŋ 1200-den asa oquşysy, «Jas sarbaz» äskeri-patriottyq klubynyŋ tärbielenuşılerı, äskerge şaqyryluşylar men olardyŋ ata-anasy, Aqmola öŋırlık garnizonynyŋ äskeri qyzmetşılerı, Qaruly küşter men Auǧanstan soǧysyna qatysuşy ardagerler qatysty.
Saltanatty ıs-şara barysynda Qorǧanys ministrınıŋ orynbasary Sūltan Kamaletdinov, Astana qalasy äkımınıŋ orynbasary Eset Baiken, «Qaruly küşterdıŋ ardagerlerı» qoǧamdyq bırlestıgı töraǧasynyŋ orynbasary Marat Naǧūmanov äskerge attanyp bara jatqan jastarǧa abyroily qyzmet atqaruyna tılektestık bıldırdı.
Äskeri-patriottyq ıs-şaranyŋ barysynda bügıngı taŋda äsker qatarynda jürgen sarbazdar jas şaqyryluşylarǧa arnaǧan amanaty aitylsa, bolaşaq jauyngerler öz kezegınde Otan aldyndaǧy äskeri qyzmetın adal atqaruǧa sert berdı.
– Men üşın äskerge baru – abyroi. Otan aldyndaǧy boryşymdy adal atqaruǧa, äskeri ömırdıŋ qandai da bolsa qiyndyǧyna tözuge daiynmyn. Ata-anamnyŋ senımın aqtaimyn dep oilaimyn, – deidı äskerge şaqyryluşy Sanjar Maqsūtov.
Otan aldyndaǧy äskeri boryşty öteu abyroily mındet ekenın bügıngı taŋda merzımdı äskeri mındetın ötep jürgen Erkın İsaqov ta aitady. Ol äskerde jürıp-aq joǧary äskeri oquǧa tüsıp otyr. Osy ıs-şara barysynda 25 sarbazǧa äskeri qyzmetın aiaqtaǧannan keiın äskeri institutta oquǧa sertifikat tabys etıldı.
«Men qazır merzımdı äskeri mındetımdı ötep jürmın, jaqyn arada qyzmetımdı aiaqtaimyn. Bıraq men osynda jürıp keleşegımdı Qaruly küşterge arnaudy oilastyrdym. Ol üşın äskerde jürıp-aq aldyn ala emtihandardy tapsyrdym, nätijesınde joǧary äskeri oqu ornynda oquǧa mümkındık aldym. Almaty qalasyndaǧy Qūrlyq äskerlerınıŋ äskeri institutynda oquǧa sertifikat aldym. Osyndai mümkındık memlekettıŋ kömegımen jüzege asyp otyr. Öte quanyştymyn» deidı E.İsaqov köŋılı köterılıp.
