Astanada 24 qyrküiek künı otbasy duatlony ūiymdastyrylady. «Otbasy duatlon-2023» qatysuşylaryna tırkeu nömırlerı 24 qyrküiekte taŋǧy 8:00-den 10:00-ge deiın berıledı. Jarysqa 8 jastan 9 jasqa deiın, 10 jastan 11 jasqa deiın jäne 12 men 13 jas aralyǧyndaǧy balalar jäne olardyŋ äkesı men anasy qatysa alady.
«Otbasy duatlon» jarysy sporttyŋ ekı türınen üş qaşyqtyq boiynşa ötedı.
- Jügıru (äkesı) – 2,1 km;
- Velosiped jarysy (anasy) – 2,1 km;
- Jügıru (bala) – 200 m.
Äkeler start syzyǧynan 2,1 km qaşyqtyqqa bırınşı bolyp jügıredı, ärı qarai estafetany jūbaiyna tapsyrady, özderı tranzittık aimaqta kütıp tūrady.
Velosipedpen 2,1 şaqyrymdy ekınşı bolyp analar jürıp ötedı, osydan keiın 200 metr qaşyqtyqta balalar jügıredı.
Är toptaǧy jarys jeŋımpazdary barlyq qaşyqtyqty baǧyndyrǧan uaqyt boiynşa anyqtalady.
Marafonşylardyŋ bärı medalmen marapattalady. Jeŋımpazdar bırınşı, ekınşı, üşınşı oryn diplomdarymen jäne baǧaly syilyqtarmen marapattalady. Sonymen qatar qatysuşylarǧa premium fitnes klubynyŋ arnaiy sertifikaty berıledı. Sondai-aq qatysuşylar arasynda ūtys oiyny oinatylady.
«Otbasy duatlon» ıs-şarasyna tırkelu üşın myna telefon nömırlerıne habarlasuyŋyzǧa bolady: 8-747-054-59-00 (Daryn), 8-707-977-99-70 (Rizabek).
